RECOMENDACIÓNS PARA VERÁN

Despois dun curso diferente e bastante duro, no que todos aprendimos un montón de cousas novas, a recomendación máis importante que vos fago  para este verán é que descansedes e dediquedes o voso tempo a xogar, saír a pasear, facer exercicio, estar cos amigos e a familia....
Ademáis vos deixo consellos e propostas miles por se non vos queredes aburrir. 

1.- A primeira recomendación ven en forma de lista de actividades para pasar un verano TOP. Se premedes sobre ela podedes imprimila e ir tachando aquelas que fixestes para contárnolo en setembro. 

                                                   

2.- Para aqueles un pouquiño máis académicos, déixovos unha ficha con caderniños de distintas actividades para facer. Especialmente interesantes son os de desenvolvemento da intelixencia.

                                   RECOMENDACIÓNS VERÁN 2020. CADERNIÑOS

3.- Nesta terceira recomendación déixovos enlaces a distintas páxinas onde podedes atopar recursos de todo tipo e xogos moi interesantes. 

   JUGANDO Y APRENDIENDO

                                              

CINCO JUEGOS ONLINE PARA APRENDER ORTOGRAFÍA

                          

     Especialmente interesantes son os recursos que podedes atopar na páxina de abaixo do Colexio de Educación Primaria, Pablo de Olavide de Cádiz.  Incluso vos dan moitísimos enlaces a páxinas para o alumnado nos que podedes atopar cantidade de cousas que vos poden gustar.      

A última, pero non menos importante recomendación é que acompañedes os vosos días de verán coa lectura de libros interesantes. Podedes vivir grandes aventuras e viaxar a mundo máxicos, imaxinarios ou reais, ao mesmo tempo que aprendedes moitísimas cousas. No blogue da biblioteca do cole tedes recomendacións.

                                    QUE TEÑADES UN SANO E FELIZ VERÁN !!!!!!!!!!

VENRES 19 de xuño

E chegamos ao final!!! O curso xa está rematado  e só nos queda descansar. Aproveitade o verán para durmir moito, xogar, saír á rúa e á praia , crecer 😂.....
Foron unhas circunstancias difíciles e extrañas pero vós, traballáchedes un montón e moi ben! Todo o equipo de profesores vos damos a noraboa polo voso esforzo. Sodes un campións e campionas!!

Hoxe, para dspedirnos, imos xogar un pouquiño máis coas palabras, que son un dos mellores xogos que hai e despois ... a bailar!!!! deixámosvos unha recopilación de cancións moi coñecidas por vos que de seguro, vos apetece cantar e bailar en canto as escoitedes!!


                                                    JUGAMOS CON LAS LETRAS

• CANTAMOS E BAILAMOS

E xa nada máis por este curso. 😢En verán podedes dar unha volta polo blog de cando en vez e xogar a algún dos xogos que vos encantaron ou repetir algunha lectura , conta de mates, exercicio.... Usádeo e traballade nel como queirades.
A vindeira semana publicarei unhas recomendacións para verán e refarei o vídeo das manualidades para completar algunhas que chegaron máis tarde.

Pasádeo moi ben durante o verán. Véxovos en setembro!!! Moitísimos mouchobicos e mouchoapertas para todos!!!

                                      

                                                           

XOVES 18 de xuño

Bo día a tod@s
Parece que por fin sae o sol e que xa se empeza a ulir o verán. Que ben!!! Hoxe temos un día de pouco traballo porque xa estamos chegando ao final e ademais...... temos unha cita!! Estou desexando que me contedes cousas!!
Mentras non chega a hora imos facendo unhas cousiñas.

• MATEMÁTICAS

Outra de acertixos. Eres quen de resolvelos sen mirar as solucións? O último deles vaivos soar moito porque está repe, xa veredes!

                                           ACERTIXOS MATEMÁTICOS

• LENGUA CASTELLANA

Coñecedes o código Morse? Imos aprender algo máis sobre el e a practicalo un pouco. Unha vez que o teñamos dominado podemos xogar aos espías e mandarnos mensaxes en código Morse!

                                        JUGAMOS CON LAS LETRAS

• NATURAIS

En naturais hoxe hai onde elexir. Tedes un montón de xogos para xogar e mandalas para colorear. Unha delas é especialmente bonita, a ver se adivinades cal é. 

                                             XOGOS E COLORES

 E para rematar o día de hoxe ides ver un vídeo. Xa que non poidemos facer a exposición que tiñamos previsto cos traballos de manualidades que fixestes durante o confinamento, polo menos facemos un vídeo. Non descarto a idea desa exposición para máis adiante, así que gardade os traballos!. Teño que decir que estou tremenda e gratamente sorprendida dos marabillosos proxectos que fixéchedes. Son preciosos!!!!!!

Perdoádeme se falta algún. Se non está o teu é porque se me despistou no medio de todos os emails recibidos porque a verdade é que traballáchedes moito e enviáchedes moitísimas cousas. Pero os que van, son unha perfecta mostra das vosas laboriosas mans.

Hai que darlle as grazas ás familias xa que foi un pracer traballar con elas nestes proxectos ademais de que estou segura de que vos encantou que vos axudaran a facer as vosas creacións nesas longas e aburridas horas de confinamento. 

                                    Noraboa a todos e todas. Encántame o voso traballo!!!!!!

MÉRCORES 17 de xuño

Xa chegamos á metade da última semana lectiva de curso. A pesares das distancias e das circunstancias teño moita pena de que remate este curso. Sei que cando vos volva a ver  en setembro ides estar todos altísimos e guapísimos. Algún ao mellor xa casi me alcanza a min!! Veña, non nos poñamos tristes e a traballar as propostas de hoxe. 

• MATEMÁTICAS SIMPÁTICAS

Imos darlle un pouco á cabeza para discurrir unha serie de acertixos matemáticos. Non mires as solucións ata que non estruxes un pouquiño o coco!

                                             ACERTIJOS MATEMÁTICOS

• SOCIAIS

Repasaremos as paisaxes e o relevo con dous interesantes enlaces. Aproveita para comprobar cantos destes elementos aparecen na túa maqueta sobre as paisaxes.

                                         REPASAMOS AS PAISAXES

• GALEGO

Que che gustan máis, os cans ou os dinosaurios? E canto sabes deles? Hoxe imos facer unha pequena investigación ou busca de información para saber máis sobre un tema. É importante aprender a buscar e saber onde atopar as cousas que queremos saber. Elixe un dos temas que che propoñemos e comenza e a investigar!!

                                                OS CANS         OU        OS DINOSAURIOS

• INGLÉS

O Blogue de inglés despídese hoxe. A última tarefa deste curso consiste en cantar unha canción dos Beatles que a min, particularmente, encántame. Fala de decir adeus (coma nós, que lle decimos adeus ao curso) pero tamén de decir ola ao novo que está por vir (o verán, un curso novo.....) É moi faciliña de cantar e se a escoitades un par de veces, veredes que rápido a aprendedes. Tamén tedes algúns xogos moi divertidos e algunhas recomendacións.  Ready, steady..... go!!

  

                                                  

Nada máis por hoxe. Espero poder vervos a todos mañá na videoconferencia. Faime moitísima ilusión!!!! Mentras tanto, quedamos cantando en inglés. "You say yes, I say no ...  🎵🎶🎤" Atá mañá Mouchiñ@s!!!!!!!!

                                    

MARTES 16 de xuño

Bos e frescos días:

Imos facer hoxe un repasiño rápido por xogos de varias materias. Imos empezar desperezándonos e estirándonos.

• EF

¡Vamos a movernos!

                                                  

• LENGUA CASTELLANA

Seguiremos entrenando a nosa intelixencia. Sei que a semana pasada gustáronvos moito os xogos de memoria. Pois aquí tendes algún máis.

O último xogo da ficha xogarémolo en canto volvamos á clase. Aprendede ben as regras!.

                                                              ¡QUÉ MEMORIA!

• NATURAIS

Vamos ver se xa eres un experto en Naturais. Tes que completar este encrucillado coas definicións que che dan. 

                                                      EXPERT@ EN NATURAIS

• PLÁSTICA

Esta que vos presentamos hoxe xa é a última tarefa de plástica deste curso 😩. Que pena, co que nos gustan!!! Poi ben, queremos que fagades algo precioso, coma sempre, e nos enviedes fotos . Ademáis do video que xa está colgado na aula virtual con algunha das vosas manualidades, farei eu outro para poñer no blogue. Veña, deixade voar a vosa imaxinación, poñede a traballar a vosa creatividade e a crear!

                                                        FACEMOS UN MARCO

Ata mañán Mouchiñ@s. Aquí quedo pensando nos materiais que vou usar para o meu marco.Abrigádevos que parece que vai un frío de inverno. 😂 Moitos bicos para todos!!!!

                                                                  

LUNS 15 de xuño

Bo día a tod@s!!!!

Iniciamos a última semana do curso. Hurra!!!Este curso tan raro fíxosenos longo pero xa vedes, aquí estamos xa ás portas do veran: descanso, calorciño, praia .....
Queda moi pouco por facer porque xa traballáchedes un montón así que esta semana seguiremos con xogos de repaso e pouca cousa mais.

• GALEGO  
• https://es.educaplay.com/juego/6105639-veran.html
• https://es.educaplay.com/juego/6105310-xogamos_co_r.html

• MATEMÁTICAS

         DIFERENCIAS                        LABERINTO
         

• SOCIAIS

           REPASAMOS SOCIAIS

• ENGLISH 

                    EnglishVales

Para rematar o día de hoxe, déixovos un bonito e simpático vídeo de mouchos. Sodes quen de poñerlle un adxectivo distinto a cada un dos mouchos que vedes? Por exemplo, a min o primeiro paréceme......   RÁPIDO. O segundo moucho é ......  XOGUETÓN.  Segue ti...

Ata mañá Mouchiñ@s!!

VENRES 12 de xuño

Bos e mollados días!!
Que tal andan eses ánimos? Xa non nos queda nada para rematar así que vos vou pedir un último esforzo para estes días.

• LENGUA CASTELLANA

Seguimos activando a nosa intelixencia e hoxe lle toca o turno ao razonamento lóxico. Quen se lembra daquela frase que vos digo sempre na clase para facervos pensar? Imos facer coma onte: o que lembre a oración que a escriba nos comentarios. Ben, pois o traballo de hoxe vai de discurrir.

                                                                  DISCURRE  

• GALEGO 

Xogar coas palabras é moi divertido. Hai acertixos, sopas de letras, códigos....

                                                       XOGAMOS COAS PALABRAS

• MÚSICA

Algún de vos toca un instrumento ademais da flauta? Cal che gustaría aprender a tocar? Na actividade de hoxe repasaremos os instrumentos da orquesta. Elixe o teu favorito.

                                 REPASAMOS OS INSTRUMENTOS DA ORQUESTA

• ENGLISH

Clica na imaxe para acceder aos distintos xogos do blogue de inglés 

  

• RELIXIÓN CATÓLICA

Neste enlace tedes a ficha desta semana.    PARÁBOLA DEL BUEN SAMARITANO

Nestoutro están as solucións da semana pasada. EL HIJO PRÓDIGO

• VALORES SOCIAIS E CÍVICOS

Para aqueles que elexíchedes esta optativa, ou para todos os que queirades, temos unha moi interesante proposta para hoxe. 

Todos coñecemos a Mero. Pois ben, Mero quere que todo o alumnado do Vales Villamarín faga un hoco no seu interior para aloxar un corazón verde. Esto non é só unha actividade para hoxe senon  unha maneira de vivir. Únete a Mero, convírtete en protector do medio ambiente e envía as túas propostas ao correo que che damos. 

                                                     TEÑO O CORAZÓN VERDE.

Despídome xa Mouchiñ@s, que co que chove teño que ir buscar unha árbore que me protexa da auga que non teño ganas de mollarme. Ata o luns!!!!!!!!!!!

   

                               

XOVES 11 de xuño

Empezamos un novo día de traballo lixeiro . Que vos teremos preparado para hoxe? Pois cousa fácil e cousa divertida, sí señor. Así que veña, con ilusión e forza, premede nas pestanas! Empezamos!!

• LENGUA CASTELLANA.

Seguimos activando a nosa intelixencia. Se o martes foi o turno da memoria hoxe lle toca á ATENCIÓN. Hay que ser observadores e pacientes e non querer facer todo a carreiras porque así non sae ben.

Lembrades o cartel grande que tiñamos na clase encima da pizarra dixital? Estaba relacionado co tema de hoxe. Vouvos facer tres preguntas a ver se sodes observadores ou non e que tal funciona a vosa memoria. Se sabedes as respostas, poñédeas nos comentarios. A ver quen é @ primeir@ en responder ben!!

                      .- De que cor era?

                     .- Que tiña debuxado?

                     .- Cal era a palabra que aparecía no cartel?

Agora imos facer uns exercicios de  atención e concentración. A xogar!!!

                                    PON ATENCIÓN

• MATEMÁTICAS SIMPÁTICAS

Mira que son divertidos estes xogos. Hoxe lle toca o turno aos euros. Imos comparar prezos e despois facer un par de puzzles.

                                    COMPARA PRECIOS

• NATURAIS

Imos ver un relaxante video sobre como medran as plantas a cámara rápida. Logo vas poñer a proba o que sabes delas cunha sopa de letras.

                                  AS PLANTAS

• EF

Rematamos este día tan activo mentalmente, activando o corpo. As propostas de EF sempre son moi variadas e interesantes. 

                                          ¡VAMOS A MOVERNOS! Día 26

E xa nada máis por hoxe. Déixovos que levo un cacho intentando facer o pino. E que non me sae!!! 

MÉRCORES 10 de xuño

Bo día:
Vai frío estes días, verdade? Parece que xa sae o sol pero de ir á praia nada! Imos ter aínda uns días de tempo regular pero despois volveremos á normalidade nesta época. Abrigádevos mentras tanto para non coller frío!

Empezan a chegar fotos das anipinzas. Chulísimas!! Coma sempre, superades con creces as nosas expectativas. Están moi ben feitas e son moi creativas.

• MATEMÁTICAS SIMPÁTICAS

Imos repasar operacións: sumas, restas, multiplicacións, divisións..... Hai varios niveles de dificultade. A ver ata onde chegas!!!

                                             REPASA OPERACIÓNS

• GALEGO 

Cambiamos os número por letras e agora imos xogar coas palabras: adiviñas, códigos secretos....

                                        XOGAMOS COAS PALABRAS

• SOCIAIS

Imos descubrir curiosidades, repasando aldeas, vilas e cidades 

                                        REPASAMOS LOCALIDADES 

• ENGLISH

Preme na imaxen para descubrir as propostas de hoxe. 

                                                     

E xa nada máis por hoxe. Se aínda non estades fartos de xogar, elexide polo casa algún xogo tipo construcción e intentade facer unha vila ou aldea. A ver que sae!

Eu quedo aquí xogando cos meus amigos, a ver quen aguanta máis sen pestanexar. Queres xogar con nós?  Ata mañá Mouchiños!!!

                                        

                                           

MARTES 9 de xuño

Bo día, Mouchiñ@s bailaríns.

Que tal vos foron as actividades do día de onte? A que foron divertidas e fáciles? Se sempre foran así... Pero non pensedes que polo feito de ser xogos, non aprendedes nada. Ao contrario, ás veces apréndese moito máis xogando que estudiando dos libros. O truco está en combinar de todo un pouco, e en practicar con xogos o que estudáchedes nos libros. Empezamos coas actividades de hoxe.

• LENGUA CASTELLANA

Esta semana imos facer unha serie de actividades que nos sirvan para desenvolver distintos aspectos da nosa intelixencia. Empezaremos pola memoria, que, canto máis se entrena, máis crece. Así que xa sabedes... a entrenar!!

                                                        ¡QUÉ MEMORIA!

• EF

Agora imos entrenar outra parte do noso corpo.  ¡¡VAMOS A MOVERNOS!! Día 25

• NATURAIS

Imos xogar un pouquiño cos animais. A quen no lle gustan? Seguro que non hai ninguén na clase que  diga tal cousa. 

                                                                 OS ANIMAIS

• PLÁSTICA

Unha das cousas que descubrimos durante este confinamento foi o que vos gusta facer proxectos de plástica e os grandes artistas que sodes. Superáchedes con moito as nosas expectativas. Hai que ver que marabilla de traballos fixéchedes!! 

A ver como se vos da o de hoxe. Xa sabedes que nos encanta ver fotos !

                                                   TAREFA 11. PINZAS

Ata mañá!!!! Aquí quedo pensando que vou facer coas pinzas. Poderei facer un moucho? Ummm, xa veremos o que sae! Bicos!!!

LUNS 8 de xuño

Bo día  a tod@s!!
Iniciamos a segunda e penúltima semana de xuño. Xa non tedes que enviarlles aos profes ningunha proba máis!! O traballlo que nos queda por facer é de repaso e práctica pero nada máis. Así que , sen máis, iniciamos este luns lixeiriño.

• GALEGO

 Imos repasar un pouquiño de vocabulario, pero veredes que divertido!! A ver se sodes capaces de resolvelo todo.

                         VAI DE ENCRUCILLADOS                          SOPA DE ANTÓNIMOS

• MATEMÁTICAS

No menú das matemáticas de hoxe hai, de primeiro un pouquiño de repaso, e de segundo un contundente plato de xogos. 

                                                          REPASA E XOGA

• ENGLISH

Non sei por que me da que hoxe tampouco hai ficha de inglés. Imos repasar o abecedario, cantar e xogar!!

EnglishVales

• SOCIAIS

Hoxe a cousa vai de transporte e zonas rurais e urbanas. Repasamos xogando.

                              REPASAMOS OS MEDOS DE TRANSPORTE

                                         ZONAS RURAIS E URBANAS

E como hoxe rematamos rapidiño, quédanos tempo para bailar!! Ata mañán Mouchiñ@s!!

                                                          

VENRES 5 de xuño

Ola Mouchiñ@s!!
Andades todos por ahí?? Chegamos de novo ao último día lectivo da semana. Que rapido van!! Hoxe temos unhas propostas lixeiras porque as forzas e as ganas xa van faltando. Pois veredes que cunha pouquiña atención, hoxe rematades prontiño.

Hoxe celébrase o Día Mundial do Medio Ambiente así que algunha das nosas propostas irán encamiñadas a tratar este tema.

                                                           

Antes de nada quero lembrarvos que esta semana recollíamos as probas de galego, que eran 4. Así que se aínda non enviaches algunha delas só che queda hoxe para facelo. Eran:

. Proba de comprensión lectora: Ruidos na noite
. Expresión escrita: O trasno
. Proba de comprensión oral: O accidente de Sonia
. Gravación contando un suceso.

• LENGUA CASTELLANA

Volvede á ficha de onte para rematala. Pode que vos quedase algún video sen ver ou algún xogo sen practicar. Ou pode que algún che gustara moito e che apeteza repetilo. 

• MÚSICA

Hoxe tedes unha ficha divertida na que lle tedes que contar á profe cales son os vosos gustos musicais. Que lle vas contar? Mira primeiro o que vos propoñen  e logo falade de vós.

Vales musical

• ENGLISH

It´s Friday!!!!! And it´s the World Environment Day!!!! So you can also celebrate it in English!

EnglishVales

• RELIXIÓN CATÓLICA

Primeiro comprobade a     FICHA DA SEMANA PASADA

Despois traballade na        FICHA DESTA SEMANA

• VALORES SOCIAIS E CÍVICOS

Imos celebrar o Día Mundial do Medio Ambiente. Por que creedes que hai que conmemoralo? Por que hai que adicarlle un día ? Pois simplemente porque temos a necesidade e a obriga de coidalo e protexelo xa que as nosas propias accións están a estropealo e degradalo.

Quero que fagades unha pequena reflexión. Pensades que hai algo, por pequeno que sexa, que poidades facer para axudar ? 

Invítovos a ver este corto  para que pensedes un pouco na importancia das catro "R" no coidado do Medio Ambiente.  Que non sabedes cales son? :

                          Reducir    Reciclar     Reutilizar   e  Recuperar

Nada máis por hoxe Mouchiñ@s!  Imos facer como o Moucho deste gif que non perde ollo do que ocorre ao se redor. Imos todos vixiar que, polo menos na nosa casa, todos contribúan a axudar no coidado do Medio Ambiente. A descansar Mouchiñ@s!!

XOVES 4 de xuño

Ola bo día:
Hoxe imos empezar o día observando o mundo que nos rodea e facendo unha reflexión sobre él.



Estes días as nosas paisaxes vense un pouco diferentes a días atrás.  O tempo está tolo, tolo. De súpeto chove, caen lóstregos e tronos e ao cabo dun rato volve saír o sol. Sabedes como se producen eses lóstregos e os tronos? É unha cuestión eléctrica de cargas positivas +  e negativas -  (como as das pilas) . O lóstrego é a luz que vemos cando se produce unha corrente eléctrica e o trono é o ruído que a acompaña.




                       Esta é unha pequena explicación científica de como se forman

O ser humano, e as distintas civilizacións, sempre buscaron formas de explicar o que ocorre ao seu redor para intentar entender o mundo. Lembrades o que era unha lenda? Unha lenda é unha narración de feitos, fantasiosos e imaxinarios, que intenta explicar un feito real. O seguinte vídeo trata dunha lenda africana que intentaba explicar como se producían os lóstregos e os tronos.



Cal das dúas vos parece máis científica? E cal vos gusta máis? Pois despois desta interesante reflexión  comenzamos o traballo de hoxe.

• LENGUA CASTELLANA

Hoxe vos porpoño repasar de novo a acentuación. Non vos asustedes se vedes que a ficha de hoxe é moi grande porque é para traballar durante dous días, hoxe e mañán. Ten vídeos explicativos e xogos así que botádelle unha ollada e partídea en dúas partes, metade para hoxe e metade para mañán.

                                                  ¡QUÉ PAISAJES! Fichas 5 y 6  

• MATEMÁTICAS SIMPÁTICAS

Hoxe, nas mates, temos unha fichiña cortiña, faciliña e rapidiña!! A por ela!!

                                                     RAZONAMIENTO LÓGICO

• NATURAIS

O reino das plantas é interesantísimo. Por certo, as vosas sobreviviron? Eu aínda teño a miña maceta coas lentellas crecendo na terraza. 

                                                         AS PLANTAS

• EF

Rematamos as propostas deste xoves movéndonos e estirando un pouco os músculos. 

                                            ¡¡VAMOS A MOVERNOS!! DÍA 24

                              Ata mañá Mouchiñ@s!!Quérovos ver a todos outra vez por aquí, vale?

                                        

MÉRCORES 3 de xuño

Ola a tod@s!!
Continuamos un día máis. Hoxe temos unha interesante programación que inclúe un pouco de todo: inglés, mates, galego e soci.

• ENGLISH

Como sempre, imos ao blogue de inglés para ver qué nos preparou a profe Inés. 

                   EnglishVales

• GALEGO

Seguimos con linguas. Agora toca escoitar,  falar e traballar noutro idioma. Cambia o chip e ...adiante!!!

Lembrade que na entrada do luns había dúas probas que tiñades que enviar: unha online e a outra de expresión escrita. Moitos xa o fixéchedes pero aínda faltan algúns. 

Hoxe toca facer e enviar a última parte da proba, que é esta que tedes abaixo. Ánimo, que xa é a última.

              TEXTO PARA ESCOITAR, PROBA PARA ENVIAR, SUCESO PARA CONTAR

                                      

• MATEMÁTICAS 

Seguro que a estas alturas xa sodes expertos en estadística e en gráficas, pero sempre queda un pouco máis que aprender. Hoxe lle toca o turno ás gráficas que utilizan debuxos para representar os datos. Chámanse Pictogramas. 

                                                       ESTADÍSTICA IV 

• SOCIAIS

E rematamos o día de hoxe con máis propostas sobre o relevo e as paisaxes

                                        AS PAISAXES. INTERVENCIÓN HUMANA

Ata mañá Mouchiñ@s!!

                                                       

MARTES 2 de xuño

Bo día:
Vaise notando xa o cansancio de fin  de curso e as forzas empezan a flaquear. Por iso hoxe teremos un día un pouco máis tranquilo e relaxado. Veredes que pronto rematamos.

• EF

Imos empezar por esta materia para escorrentar a preguiza e prepara a nosa mente para o traballo. Aquí tedes as marabillosas propostas do profe Jose. A moverse e a espabilar!!!

                                           ¡¡¡ VAMOS A MOVERNOS!!! Día 23

• LENGUA CASTELLANA

Seguimos coas paisaxes e aprendendo a manexar os distintos tipos de palabras para describilas con precisión.

                                           ¡QUÉ PAISAJES! Ficha 4 

• CIENCIAS NATURAIS

Un dos elementos que forman parte das diferentes paisaxes con máis abundancia son as plantas. Imos aprender algo sobre elas. Vemos primeiro uns vídeos e logo lemos con atención a ficha e contestamos ás preguntas.

                                          FICHA. AS PLANTAS

• PLÁSTICA

Para esta semana non hai proxecto novo porque entendemos que o que vos propuxemos a semana pasada era bastante complicado. Podedes continualo, perfeccionalo, poñerlle carteliños, rematalo, aumentalo... De moitos deles xa teño fotos e quero facer un vídeo con eles porque son realmente incríbles. Douvos dous ou tres días máis para ir rematando e enviarme fotos se queredes que as inclúa no vídeo. Sodes auténticos artistas!!!!!

E por hoxe nada máis. A que se fixo cortiño?? Mañá outro pouco. Un moucho bico e unha moucho aperta para tod@s!!!

                                       

LUNS 1 DE xuño

Bo día aos Mouchiñ@s e a todos os visitantes de Vila Moucha!!

Hoxe iniciamos o mes de xuño. Que vos suxire esta palabra? Se eu vos digo XUÑO!, cal é a primeira palabra na que pensades? Verán, calor, vacacións, praia.... E moitas máis. Chegamos ao último mes deste curso tan extraño que lembraremos para toda a vida, no que tanto traballamos e aprendimos pero ... sen ir á escola!!

Teño que decirvos unha vez máis que estou moi orgullosa do voso traballo e de como, a pesares do difícil que é manter a concentración  e a rutina diaria a distancia, vós seguides traballando día a día e preparándovos para cuarto. Esperemos que o vindeiro curso todo volva á normalidade!!

Esta semana continuamos co traballo da semana anterior en canto a paisaxes e estadística. Teredes que facer e enviar as probas de galego

• GALEGO

Esta semana tócalle o turno ás probas de galego. Lede con calma as instruccións, pensade ben as respostas e veredes como esta proba tampouco ten ningún segredo para vós. Unha vez teñades claras todas as respostas, enviádellas ao/á profe polo correo da clase. 

                                      TEXTO PARA LER

                             PROBA ONLINE PARA MANDAR

                          EXPRESIÓN ESCRITA PARA ENVIAR

• SOCIAIS

O tema das paisaxes da moito de sí. Así que esta semana continuamos afondando un pouco nel. 

                                        AS PAISAXES.

• MATEMÁTICAS SIMPÁTICAS

Pasa o mesmo co tratamento da información. Hai moito que contar e moi interesante. Que tal o encargo que vos fixen a semana pasada? Atopáchedes nalgún periódico, revista, noticia da tele, páxina de internet ... algún gráfico ou diagrama de datos? De que era?

                                      FICHA DE ESTADÍSTICA III

• ENGLISH

Rematamos este luns de inicio de semana e de mes coas propostas de inglés. 

EnglishVales

  E para os que non podedes ver a ficha, tédela aquí.   FICHA DE INGLÉS

Ánimo Mouchiñ@s. Un pequeno esforzo máis que pronto rematamos o curso!! Ata mañá!!😘😘

                                        

VENRES 29 de maio

Bo día Mouchiños:

Rematamos esta fabulosa semana de bo tempo e bo traballo . No menú de hoxe atoparemos un pouquiño de música, unha pizca de relixión ou valores (á vosa elección) e  as linguas. Empezamos.

• MÚSICA

Despois do fabuloso traballo que fixestes a semana pasada co himno galego, esta semana repasamos e practicamos ritmos.

          Vales musical

• LENGUA CASTELLANA

Hoxe esta asignatura está dividida en dúas partes. Por unha banda temos unha ficha para ler e entender. Ten consellos e trucos para aprender a facer unha boa descripción das paisaxes. Na segunda das fichas, pasaredes a limpo a descripción que fagades da paisaxe que fixéstedes en plástica, ben a maqueta ou o debuxo. 

                                APRENDO A DESCRIBIR UN PAISAJE. Ficha 3.1

                                       DESCRIBO UN PAISAJE. Ficha 3.2

• GALEGO

Falamos de paisaxes si, pero non de calesquera senon dos fermosísimos paisaxes de Galicia.

                                         PAISAXES DE GALICIA II

• INGLÉS

It's game time!!!!

                         EnglishVales

• RELIXIÓN CATÓLICA

O traballo desta semana podedes velo aquí       HISTORIA DE LA SALVACIÓN 

Neste enlace podedes revisar o traballo da semana pasada.    DIOS LIBERÓ A ISRAEL

• VALORES SOCIAIS E CÍVICOS

Hai un orangután no meu cuarto!!! Hoxe vos propoñemos un bonito curto que ten unha gran mensaxe. Xa que estamos a falar das paisaxes, falemos tamén da maneira de preservalas e coidalas. Todos e cada un de nós podemos facer algo e contribuir  ao coidado do medio ambiente. Que pensas que podes facer ti? Mira o video, presta moita atención ao que fan os humanos e logo me contas na ficha.

                                  FICHA: HAY UN ORANGUTÁN EN MI CUARTO

XOVES 28 de maio

Ola!!!!!🙋
Vaia días máis fermosos e calurosos estamos a ter!! Así da gusto poder disfrutar do aire libre!!
Poi veña, traballamos un pouquiño nas tarefas de hoxe e logo a descansar!!!

• MATEMÁTICAS SIMPÁTICAS

Convén que repasedes o vídeo de tratamento da información de onte, porque hoxe imos avanzar un pasiño máis. Ademáis, quero que vos fixedes durante estes días na vida real, ao igual que fixéchedes a semana pasada coas figuras xeométricas e esteades atentos para descubrir gráficas ou táboas de datos ao voso redor. Logo me contades, seguro que atopades máis dunha destes tipos.

  

                                                  

                                                        ESTADÍSTICA . Ficha II

• LENGUA CASTELLANA

Hoxe nesta asignatura tedes que pasar a limpo os datos que recollestes na ficha 1 do martes. Imaxino que aínda estades a voltas coa maqueta, porque leva o seu tempo, pero aínda así, os datos podedes ir pasándoos a limpo.
Lembrade que me interesa moitísimo ver fotos desas maquetas ou debuxos. Sei que vos gustan este tipo de traballos e que vos implicades e os facedes francamente ben así que ... mandádeme fotos!!!!!

                                                    ¡QUÉ PAISAJES! FICHA 2

• CIENCIAS NATURAIS

Hoxe toca a segunda parte da proba de naturais. Si, xa sei que algún fixo todo o martes, pero o día era hoxe. Aqueles que xa o mandáchedes podedes aproveitar para traballar un pouquiño máis no proxecto de plástica. Os que aínda o tedes por facer, ide á entrada de naturais do martes.

• EDUCACIÓN FÍSICA

Imos rematar este xoves de calor coas propostas do profe Jose que sempre busca cousas super divertidas para vos. Os meus entrenamentos do pasado martes coa miña heroína favorita foron estupendamente. Ata teño maniotas!! Que non sabedes o que son? Buscade no diccionario. Ademais fixen e decorei un tragabolas cunha botella de auga  e a que non sabedes que? Son a campioa da miña casa!! Non hai quen me gañe! 😂

                                               ¡ VAMOS A MOVERNOS ! Día 22 

Estou desexando poñerme xa coas propostas de EF hoxe así que vos deixo ata mañá!!! Unha aperta virtual!!

MÉRCORES 27 de maio

Ola,  bo día Mouchiñ@s!!!
Xa tedes decidido cal vai ser o voso proxecto de plástica? De seguro que algún xa o ten encamiñado e lle está quedando chulísimo. Xa sabedes que me encantará ver fotos dos vosos proxectos!!

As probas de naturais de onte saíron moi ben. Estades a traballar xenial!!!  Pero onte só era necesario facer a primeira parte. A segunda era para o vindeiro  xoves. Non era que levase moito tempo cada unha delas pero ..... as instruccións son as instruccións ! Non pasa nada. Continuamos co traballo de hoxe. Temos cousas novas e outras xa coñecidas. Despegamos! 🚀

• MATEMÁTICAS SIMPÁTICAS  

Imos empezar con algo novo e moi interesante que son as táboas  e gráficas de rexistro de datos. Sirven para organizar a información e poder ver con claridade o que sucede. Ides velas moitísimo porque son usadas constantemente. Calquera día que vexades un telediario seguro que, como mínimo, aparece unha.  Para que saibades interpretar e representar  esta información, o primeiro que tedes que facer e ver este vídeo que o deixa todo mooooooi clarísimo. Non perdades  detalle!!

Non perdades de vista este vídeo porque imos volver a el en días sucesivos. A ficha de hoxe é un primeiro paso no apaixoante mundo da estadística. Vedes cantas cousas diferentes se poden facer coas matemáticas? Sirven para todo!!!!!

                                     ESTADÍSTICA. FICHA 1  

• CIENCIAS SOCIAIS 

Hoxe imos avanzar un pouquiño nas paisaxes e falar daquelas que estamos máis acostumados a ver: as paisaxes de Galicia. 

                                               RELEVO DE GALICIA. Para aprender

                                               RELEVO DE GALICIA. Para traballar

• GALEGO

Tócalle o turno á nosa fermosa lingua que ten palabras tan cheas de cor e musicalidade que a xente di que os galegos cantamos ao falar. Escoita moi ben esta historia, xa verás como atopas un montón de bonitas palabras. Cantas delas non coñecías? Propóñote un reto: elixe unha delas e úsaa hoxe polo menos 5 veces en cinco situacións diferentes. Serás quen de facelo? Xa me contarás! 

                                                A PESCA CO RABO. Para escoitar.

                                           A PESCA CO RABO. Para ler e traballar

• ENGLISH

E xa que a cousa vai de palabras, imos ver cantas palabras novas podemos aprender hoxe en inglés

EnglishVales

Para os que non podades ver a ficha interactiva e/ou prefirades imprimila, clicade HERE

Un día máis que rematamos o traballo. Eu xa teño elexida a miña palabra galega favorita . A ver se son quen de "colala" hoxe cinco veces nunha conversa. Vouno intentar!!

Ata mañá!!!!

MARTES 26 de maio

Bos e soleados días:

Continuamos coa nosa semana paisaxística. Hoxe, as propostas de plástica e de lingua castelá van íntimamente relacionadas porque o que fagades na primeira ides ter que tomar nota e explicalo na segunda. Serán dúas tarefas nunha. Empezamos por plástica

• CIENCIAS NATURAIS

Hoxe imos empezar por esta asignatura porque esta semana tedes que enviar aos profes as dúas probas de naturais. Xa sabedes que son sinxelas e que hai que pensalas ben antes de respondelas. Unha cousiña: pídovos que as enviedes só unha vez, cando teñades claro que eso é o que queredes que eu vexa, porque nas probas anteriores algún lle deu varias veces ao botón e me chegaron ata cinco probas do mesmo alumno. 😂

                                     QUE SABEMOS DE NATURAIS. Parte I

• EDUCACIÓN PLÁSTICA.

A proposta desta semana probablemente vos leve uns días facela. Non importa, ao contrario, ídea facendo pouco a pouco. É un proxecto grande que vos pode levar un tempo. Seguide as pautas que vos dan pero tamén utilizade a vosa creatividade, tal e como vides demostrando en todos os proxectos que fixestes ata o de agora. Sodes uns artistas!!!

                                            MAQUETA DUNHA PAISAXE 

• LENGUA CASTELLANA

       A medida que vaiades traballando na vosa maqueta, no voso debuxo ou no proxecto que elixades, ide tomando nota nesta ficha das decisións que tomades, dos materiais que usades e de cómo o facedes. A de hoxe é unha ficha para recoller anotacións. O xoves presentaremos outra na que pasaredes a limpo as notas que tomades hoxe. O venres, ou unha vez rematado o proxecto, teredes que describilo na ficha que vos presentaremos . Así que xa vedes, ídeo facendo con calma porque tedes ata a semana que ven para rematalo. 

                                                ¡QUÉ PAISAJES! Ficha 1

• EF 

Imos rematar esta mañá bailando e facendo exercicio .

                                                  VAMOS A MOVERNOS. Día 21

                                                  

E nada máis Mouchuños. Aproveitade o bo tempo para desfrutar dos paseos ao aire libre. Vémonos mañá!!

LUNS 25 de maio

Bo día Mouchiños e benvidos a unha nova semana escolar telemática. Que tal foi a fin de semana? Descansáchedes e xogáchedes moito?

O tema xeral que vamos tratar dende distintas asignatura son as paisaxes. Repasaremos cales son os seus elementos, que tipos hai e aprenderemos a describirlos e pintalos cos lápices e coas palabras. Interesante, non si?

  Imos empezar con gañas e forza unha semana máis, na que imos recoller as probas de CIENCIAS NATURAIS. Así que estade moi atentos porque esta semana teredes que enviar esta asignatura. Xa vedes que as probas que vos estamos poñendo son sencilliñas e polos resultados que me están a chegar, estanvos a saír francamente ben!

• SOCIAIS

Como dixemos na introducción imos traballar as paisaxes. Que ves cando miras pola tua ventá? Edificios e asfalto, árbores e campos, costa e mar .....? Imos aprender a analizalo. 

                                                 AS PAISAXES. PARA APRENDER

                                                 AS PAISAXES. PARA TRABALLAR

• MATEMÁTICAS SIMPÁTICAS

Avanzamos un pouquiño más para estar ben preparados para o curso que ven. Tócalle o turno a .....

                                           CUADRILÁTEROS

• GALEGO

Que pasa se mesturamos nun mesmo traballo as paisaxes e a poesía? Pois que saen cousas tan fermosas como istas!!

                                       AS PAISAXES DE GALICIA

• ENGLISH

E rematamos esta mañá de luns coas divertidas propostas de inglés.

EnglishVales

Se non podedes ver a ficha interactiva, podedes descargala aquí
       
                                                   FICHA DE INGLÉS

Hoxe foi un día lixeiro de traballo! Déixovos cunha divertida sopa de letras sobre o relevo e un curioso video sobre un dos accidentes máis  misteriosos e asombrosos do relevo: os volcáns!

                                              

VENRES 22 de maio

Ola a tod@s!!
Espertamos a un novo día, que xa é o último lectivo desta semana. Xa está aquí a fin de semana!!!
Hoxe temos outra morea de interesantes e bonitas propostas de traballo.

• LENGUA CASTELLANA

Onte iniciamos o noso obradoiro de literatura aprendendo  o que son e como se compoñen os Limericks. Hoxe imos dar un pasiño máis e vamos crear o noso propio limercik!!! Xa veredes que divertido!! Hai que deixar ben aberta a porta da imaxinación e a creatividade. E xa sabedes.... non importa que sexan absurdos ou ridículos, o caso é que sexan graciosos!! A crear!!

                                           ME GUSTA ESCRIBIR II

• GALEGO

Hoxe imos ler outro interesante texto informativo sobre os Xogos Olímpicos . Este ano 2020 íanse celebrar en Tokio pero a crise sanitaria mundial provocada polo COVID 19, fixo que se tivesen que aplazar ao verán do 2021. Imos aprender un pouco máis sobre eles.

                                           OS XOGOS OLÍMPICOS

• MÚSICA

Avanzamos un pouquiño máis no coñecemento de Galicia estudando un pouco máis a fondo o seu himno.

Vales musical

Agora chega o turno das dúas optativas. Para os que elexíchedes relixión católica o voso traballo atoparédelo aquí

                                         FICHA DE RELIXIÓN CATÓLICA

E para os de Valores Cívicos e Sociais temos hoxe unha lenda que nos ensina que, independientemente do noso tamaño, todos somos necesarios e podemos colaborar cos demais.

                                                EL LEÓN Y EL RATÓN     

• ENGLISH

A profe de inglés propónvos unha serie de divertidos xogos para visitar durante a fin de semana

EnglishVales

Nada máis por hoxe e por esta semana . Para os que queirades pasar un rato divertido esta fin de semana repasando táboas de multiplicar déixovos un clásico dos xogos online. Este foi un dos primeiros  xogos que aprendín eu a xogar nunha maquiniña, alá pola miña xuventude (no século pasado 😂) Ten moito coidado de que non te collan as pantasmas!!

PS: Se rebuscades un pouco máis nesa páxina atoparedes centos de xogos moi divertidos! Vola deixo na pestaña de recursos.

Boa fin de semana Mouchiñ@s!!

                                                                                                 

XOVES 21 de maio

Ola a tod@s!!

Os videos que me mandáchedes algún de vós recitando o poema do martes están xenial. Non sei canto tempo vos levou aprendelo de memoria pero desde logo vos saiu estupendamente ben. Tamén me gustaron moito as fotos que vin do traballo de plástica. Menudas simetrías máis chulas!

Todo o traballo que estades a facer neste tempo de confinamento é realmente estupendo. Valoro moitísimo o voso esforzo e quero que saibades que todo o que estades facendo vaise notar moitísimo cando empecedes 4º. Xa veredes cantas cousas vos resultan máis faciliñas grazas a todo o que estades traballando agora!

E dito esto, comenzamos as tarefas de hoxe.

• LENGUA CASTELLANA

Seguimos con poemas pero agora dende o punto de vista da composición. Para hoxe e mañá temos preparado algo súper divertido. Recuperamos o noso Obradoiro de Literatura!!!!, que facía tempo que  tiñamos apartado. Hoxe teremos unha clase un pouco máis teórica, durante a que teredes que ver un par de videos e ler a teoría. Todo está moi ben explicadiño e con moitos exemplos, así que xa veredes que ben vos vai.

Mañá será o día da creatividade. 

                                         ME GUSTA ESCRIBIR I

• MATEMÁTICAS SIMPÁTICAS

Algunha Mouchiña xa me contou a cantidade de obxectos simétricos que atopou no seu paseo diario pola rúa. Que boa maneira de aplicar as matemáticas á vida diaria! Podedes facelo tamén no paseo de hoxe pero buscando obxectos que teñan forma de triángulo (incluso, se vos atrevedes, podedes intentar adiviñar que tipo de triángulo é) ou de cuadrilátero. Mentras non chegue a hora de saír, seguimos practicando e preparando o noso coco para poder ver o mundo con ollos matemáticos! 😂

Imos ver primeiro un video para recordar ben cales eran os tipos de ángulos e logo facemos esta segunda parte de ficha.

                                         TRIÁNGULOS II  

• EF

Non sei se vos lembrades do que vos dixen, non hai moito tempo de "Mens sana in Corpore sano". Algún de vós recorda o que significaba? ........    Moi ben!! Pois imos preparar un pouquiño o noso corpo para que a nosa mente teña unha "casa" estupenda e moi sana onde habitar e poder desenvolverse mellor.

                                       ¡¡VAMOS A MOVERNOS!! Día 20

• NATURAIS

E as Ciencias Naturais tamén nos serven para aprender a coidarnos ben, os hábitos de vida saudables, a comida sana.... Vedes que todo nesta vida está relacionado? O que se aprende e se fai nunha asignatura ten moito que ver co que se fai nas outras. O mundo non está separado por materias!! Todo forma parte da mesma realidade.

                                                          A SAÚDE    

Rematamos o saudable día de hoxe cuns conselliños que nos da o noso amigo Camaleón. Atá mañá!!