JUEVES 30 abril

Bo día:

Benvidos ao último día escolar da semana. A que foi cortiña? Mañá é día festivo, e polo tanto, de descanso, así como o luns que tamén é non lectivo. Pero se alguén quere traballar (😁) pode repasar cousas desta semana ou doutras anteriores, videos, xogos, actividades online..... Sempre hai moito que facer!!

• LENGUA CASTELLANA

Imos continuar coas nosas ferramentas e a súa asamblea. Hoxe déixovos dúas fichas sobre o conto. É importante que fagades a primeira delas. A segunda é optativa, para aqueles que son máis rápidos, rematan cedo e lles queda un ratiño e queren continuar. 

                                          EL CUENTO DE LAS HERRAMIENTAS II

                                          EL CUENTO DE LAS HERRAMIENTAS III (optativa)

• MATEMÁTICAS. 

Imos repasar outra vez un pouquiño sobre as figuras planas antes de continuar coas propostas de Marta e Andrés. Así teremos todo moito máis claro. E xa sabes que non debes quedarte coas dúbida. Pregunta o que queiras no email da clase ou nos comentarios.

                                              FIGURAS PLANAS III

• EF 

Aínda que agora xa vos deixan saír á rúa unha hora diaria, iso non quere decir que non sexa necesario seguir movendo o corpo todo o que poidamos. Hoxe toca outra interesantísima sesión!!! 

Deixádeme que vos faga un recordatorio. A sesión inclúe unha actividade de KAHOOT que tedes que facer para enviarlle ao profe Jose.

                                           ¡VAMOS A MOVERNOS ! DÍA 14

• NATURAIS 

Os vídeos que estades enviando usando o alfabeto dactilolóxico español son xeniales. Déixovos os que me foron chegando ao final desta entrada para que intentedes entender o que vos din os vosos compañeiros. Que interesante!!!!!

Ademáis seguimos traballando un poquiño  nesta ficha.

                                        NATURAIS:O OÍDO E A FUNCIÓN DE RELACIÓN



                                                 

                                                 VIDEO: MIRA O QUE CHE DIGO

MÉRCORES 29 de abril.

Bo día a tod@s!!

 Como vai ese Tangram de onte? Conseguíchedes xogar moito con el? Seguro que se vos ocurren máis figuras que as que aparecen no papel. Tedes tanta imaxinación!! Se hoxe vos queda un ratiño, podedes seguir xogando con el.
Xa me chegaron algúns vídeos con mensaxes vosos para a clase. Mañá subo os que teña ao blogue para que intentedes entender o que vos din!!

• ENGLISH

Hoxe empezamos coa proposta de inglés. Have fun!!

                    EnglishVales

• MATEMÁTICAS SIMPÁTICAS

Espero que non vos esteades olvidando de multiplicar e dividir. De cando en vez podedes volver atrás e xogar a moitos dos xogos que están no blogue. Rebuscade que atoparedes moitos!!

Hoxe imos continuar cun pouquiño de xeometría pero tamén repasaremos algunha conta. Marta e Andrés plantéxannos novas cuestións matemáticas.  Xa sabedes que canto máis practiquemos, mellor e máis rápido sairá.

                                                   FIGURAS XEOMÉTRICAS II

Aviso: Hai un pequeno erro na táboa do exercicio 1. O cuadrilátero ten que ter 4 (lados,vértices e ángulos), o pentágono 5 e o hexágono 6. 

• GALEGO.

Volvede á entrada do luns e escoitade o audioconto outra vez. Seguro que agora queda moito máis claro. Ademáis, xa traballáchedes a comprensión lectora, polo que ten que ser máis sinxelo. Despois facemos a proposta de hoxe.

                                           A CARTA: COMO SE ESCRIBE

                                             ESCRIBIMOS UNHA CARTA

• SOCIAIS

Imos seguir co traballo e a clasificación nos distintos sectores. Pero antes de empezar quero que reflexionedes e pensedes cal sería o sector no que traballo eu. E os vosos pais e nais??

Podedes repasar os videos que tedes na entrada do luns para que vos quede todo moito máis clariño. Logo facemos a ficha que, como sempre podedes imprimir ou facer na libreta, como mellor vos veña.

                                           SOCIAIS: O SECTOR TERCIARIO

Xa que estamos a estudiar sobre os traballos, para rematar o día de hoxe  déixovos uns deses cortos que tanto vos gustan. Tratan sobre as ventaxas do TRABALLO COOPERATIVO ou traballo en equipo dos que tanto falamos na clase.  Ata mañá Mouchiñ@s!!

MARTES 28 de abril

Bo día:
Onte foi un día intenso de moitos vídeos e moito traballo. Non vos preocupedes se quedaron cousas por facer ou videos por ver. Como esta semana é cortiña (o venres é festivo) podedes aproveitar calquera ratiño que vos quede libre para volver atrás e repasar algunha cousiña que vos apeteza.

• LENGUA CASTELLANA

Xa sabedes que esta semana estamos a falar de traballos, sectores.... En Castelán temos unha lectura dun oficio que pertence ao sector secundario . Lémola en voz alta un par de veces, respetando puntos e comas, e dándolle expresividade cando vexamos signos de interrogación ou exclamación e cambiando de voz cando falen as distintas persoaxes. Practicade todo o que queirades ata que saia ben!!

                                                  

                                      EL CUENTO DE LA HERRAMIENTAS. FICHA 1

• NATURAIS

Seguimos repasando no mundo dos sentidos e a función de relación. Lembrades cal era? Función de relación é a que nos permite aos seres vivos captar información do nosos redor e reaccionar a ela. E para captar esa información necesitamos os cinco sentidos! Pon os teus cinco sentidos para captar ben esta ficha, e elabora boas respostas!! 😂

                                         OS SENTIDOS: O OÍDO

• EF. 

Xa sabedes que o profe de EF sempre ofrece actividades variadas  para divertirse e aprender coa Educación Física. Tan importante é traballar e entrenar a mente como o corpo. Os antiguos romanos decían: "MENS SANA IN CORPORE SANO", que hoxe en día utilizamos para decir que se cuidamos ben do noso corpo, a nosa mente tamén estará máis sana. 

Por certo, que tal vos foi a proba de KAHOOT que vos propuxo o profe a semana pasada. Gustouvos? Pois o xoves desta semana haberá  outro. Estade moi atentos e facédeo ben para mandarllo ao profe!!
Aquí vos quedan as propostas de hoxe. A mover o esqueleto!

                                     

                                       VAMOS A MOVERNOS DÍA 13

• PLÁSTICA.

Como nos gustan estas actividades. A que sí?! A proposta desta semana está relacionada coas mates e a xeometría. Imos construir o noso propio tangram para xogar na casa! Se vos resulta un pouco difícil trazar as liñas coa regla, pedídelle axuda a un maior. Coloreade ben as pezas e, antes de recortalas pegádeas sobre cartuliña ou cartón para que vos queden máis ríxidas. E a xogar coa imaxinación!!!!

                                                CONSTRUCCIÓN DUN TANGRAM

LUNS 27 de abril.

Ola a tod@s!!!

Que tal vos foi a vosa primeira saída á rúa de onte? Que ilusión!! Xa vedes que, pouco a pouco, as cousas van mellorando. Pero temos que seguir sendo responsables e facer as cousas ben para poder volver á normalidade. Tes que seguir as recomendacións para poder desfrutar con seguridade.
Imos traballar o pouquiño de hoxe, para logo ir dar outra voltiña.

Esta semana vai xirar en torno a dous temas: as ferramentas e as figuras planas. Xa veredes que interesante!!

• MATEMÁTICAS

Mira ao teu redor. Eres quen de ver figuras xeométricas no obxectos que te rodean? Busca algo que teña forma de cuadrado, de círculo, de rectángulo. de rombo,..... Unha vez que acostumes a túa vista a mirar con "ollos xeométricos" facemos esta ficha.

                                         FIGURAS XEOMÉTRICAS

• GALEGO. 

Prestade moita atención ao vocabulario e as expresións cando fagades a ficha de galego. Xa sabedes que a práctica axuda moito ao aprendizaxe, sempre e cando tratemos de facer as cousas ben, claro. De nada serve traballar e rematar pronto se non queda ben feito. Veña, que sei que sabedes facelo moi ben!

                                     UNHA CARTA MOI URXENTE. AUDIOCONTO

                                    UNHA CARTA MOI URXENTE. FICHA

                                      

• SOCIAIS.  

As ferramentas serven para traballar. Hai moitos tipos de traballos, que se poden clasificar segundo as súas características (esto xa o aprendimos en naturais cando clasificamos animais, verdade?) Veña, pois imos "traballar" un pouco nos "traballos". Primeiro vemos uns videos para logo facer a ficha.

                                       

                                           SOCIAIS: SECTORES ECONÓMICOS

• INGLÉS

Que bonito e que necesario é saber idiomas!A profe de inglés vos preparou para hoxe uns videos para escoitar e practicar e uns exercicios interactivos.Xa veredes que divertidos! Non todo vai ser escribir! 

                                      

   EnglishVales  Monday,  April 27th

• NOVOS VIDEOS

Na aula virtual, no día de hoxe hai publicados dous videos que vos van gustar moito. Un dele é do Día do Libro de todo 3º e o outro un novo Video do traballo das casas, no que se engadiron novos proxectos. 

                                               AULA VIRTUAL 3º

   

E para rematar o día de hoxe teño unha bonita sorpresa para vós. É un conto de VILA MOUCHA, cheo de agarimo, apertas virtuais e bos desexos. Tedes que activar o volumen e ir premendo en cada páxina para pasar á seguinte e escoitar a historia. Espero, de todo 💓, que vos guste!

VENRES 24 de abril

Ánimo Mouchiños que xa está a rematar unha semana máis. Ademáis, a partires do luns, xa podedes empezar a saír un pouquiño á rúa. Non vos fai ilusión??? Tende moito cuidadiño, lavádevos ben as mans antes de saír e ao volver, procurade non tocar nada na rúa e facede sempre caso do que vos digan os maiores.
Empezamos o traballo de hoxe. Veña, con gañas e ilusión!!

• LENGUA CASTELLANA

Imos pechar esta semana de "San Jorge y el dragón" facendo un pequeno resumo da lenda. Se non te lembras moi ben, podes volver á entrada de Castelán do martes e volver a lela ou escoitala.

SAN JORGE Y EL DRAGÓN. Ficha 2 

Non esquenzas continuar co teu proxecto de literatura os días que sexa necesario.

• GALEGO

- Diario da corentena. A día de hoxe levamos case 6 semanas de confinamento. Penso que pode ser hora de ir finalizando o noso diario de corentena porque os días empezan a parecerse moito uns aos outros e ás veces, xa non sabemos qué contar. A que si? Daquela, a partir de hoxe, ímolo deixar. Vos parece? De todas maneiras, se algún ten especial interés en seguir escribindo, pode facelo

                                                 Algunhas partes dun libro. Información

                                       ENCRUCILLADO. ALGUNHAS PARTES DUN LIBRO
                                                      

• MÚSICA

Hoxe, as profes de música vos prepararon unha actividade super divertida e interesante. Clicade no enlace e ... a musiquear!!

  

                                          

Vales musical

• VALORES 

Creo que esta semana quedou ben claro que o amor aos libros é un valor que debemos fomentar tanto dende a familia como dende a escola.  Déixovos este precioso vídeo sobre este tema.

  ACTIVIDADE:  OS FANTÁSTICOS LIBROS VOADORES DE SR MORRIS LESSMORE

• RELIXIÓN
• Para os que non sodes da asignatura de Valores, achógovos a proposta de Relixión.

                                                       PROPOSTA DE RELIXIÓN

Os profes tamén celebramos o día do libro lendo. No blogue da biblioteca atoparedes un video no que o profesorado está lendo nas súas casas. Aproveitade para facer unha viaxe virtual polo blogue de  Leo e Mariña.

 
                                           

E nada máis por esta semana, Mochiñ@s. Ai que ver canto traballamos!!!! E non esquezades prolongar os vosos proxectos de literatura durante a fin de semana, se vos apetece, ou botar man do voso libro preferido para vivir moitas aventuras!! Vémonos o luns!!

Unha aperta virtual!

XOVES 23 de Abril

 DÍA DO LIBRO
Personalmente penso que o día do libro debería ser cada día. Pero no calendario internacional, para que todos lembremos a importancia dos libros e todo o que nos ofrecen,  celebrámolo o 23 de abril. Na ficha de Castelán averiguaredes por que elexiron esta data e non outra.

Polo tanto, hoxe é un día repleto de celebracións, proxectos e ....xogos matemáticos na nosa clase virtual. Así que aquí vos quedan unha serie de propostas de Proxectos para a celebración.

• LENGUA CASTELLANA

Empezaremos esta ficha averiguando por que precisamente hoxe é o día do libro. Podes utiliza o enlace á wikipedia que tes á dereita da páxina.

Despois atoparás dúas propostas para a celebración do día do libro. Elixe unha delas, a que máis che guste, e vai traballando un pouquiño cada día nela ata que a teñas lista. De seguro que te vas divertir un montón creando o teu traballo.

SAN JORGE Y EL DRAGÓN. LC. FICHA 3

• NATURAIS

Imos continuar un pouco co traballo  martes relacionándoo co día do libro

                                                     OS SENTIDOS. A VISTA  II

• MATEMÁTICAS SIMPÁTICAS

Hoxe, máis que nunca, vaiche quedar claro o simpáticas que son as matemáticas!!!

Dous profes de primaria, Pedro Santos Juanes e Victoria Navarrete Aguilar, deseñaron un escape room online co que podedes poñer a proba os vosos coñecementos matemáticos. Seguide as instrucción e .... a xogar!!

                                           O MISTERIOSO CASO DO VIRUS. PASOS A SEGUIR

1. Le as instruccións  ou mira o vídeo.

                                              

2. DESCARGA AS FICHAS  ou cópiaas na libreta.

3.- A XOGAR.
. Se superas o reto 1 e eres quen de entrar na biblioteca, obterás 10 puntos.

. O reto 2 é optativo, e moito máis difícil. Pero se eres quen de resolvelo e entrar na  biblioteca terás 20 puntos máis.                               

                                                     

• EF. Despois deste emocionante xogo no que tivemos que usar tanto o coco. ímoslle dar un pouco ao corpo. E con isto, xa nos despedimos ata mañá!! Déixovos que me poño a facer exercicio!!

                                        

MÉRCORES 22 de abril

Hoxe amaneceu un día gris e chuvioso, Mouchiños. Pero eso non quere decir que non poidamos enchelo de cores cos nosos libros, aventuras e as fermosas rosas que estades a facer, Veña, traballamos un pouquiño e logo reservamos un tempo para ler o noso libro favorito ou continuar coas nosas manualidades do día do libro. Empeza un novo día!!!

• MATEMÁTICAS

Dende esta asignatura tamén podemos celebrar o día do libro, ou pensades que as mates non teñen nada que ver coa literatura?! Pois mirade como si.

AS MATEMÁTICAS E OS LIBROS

• INGLÉS

Déixovos a     SOLUCIÓN Á FICHA 10 

e o enlace á nova  PROPOSTA DE INGLÉS 

• GALEGO

Continuaremos coa canción de Mamá Cabra, Podedes volver a escoitala no enlace do luns.

                                             TAN SÓ CON LERES UN LIBRO II

• SOCIAIS

A proposta de hoxe está relacionada coa nosa vila e cunha fermosa lenda que temos nela. Xa sabemos o que é unha lenda así que vai resultar fácil!!!

                                               FICHA DE SOCIAIS 

MARTES 21 de abril.

SEMANA DO LIBRO

Seguimos a traballar, investigar e repasar sobre os libros e a literatura en xeral porque, lembrade, o xoves conmemoramos O DÍA INTERNACIONAL DO LIBRO.

• LENGUA CASTELLANA

  - Déixovos dous enlaces diferentes hoxe. O primeiro deles é unha ficha para escoitar, ler e desfrutar . Imos investigar e aprender a razón de que o día 23 de abril (que ademais de ser o día do libro é o día de San Jorge) hai moitos sitios nos que se regala un libro e unha rosa. Tamén aprenderemos moitas cousas sobre as diferentes formas de escribir e contar historias. 

SAN JORGE Y EL DRAGÓN. LITERATURA

   

. O segundo enlace é unha ficha de actividades de comprensión sobre a anterior.

SAN JORGE Y EL DRAGÓN. LC. Ficha 1

• NATURAIS

Seguimos a traballar cos sentidos, pero ademáis relacionándoos co día do libro.

OS SENTIDOS. A VISTA 

• EF. VAMOS A MOVERNOS . Día 11

• MATEMÁTICAS:     SOLUCiÓNS AOS ENIGMAS   (Algúns tiñan truco 😉)

• PLÁSTICA. 

A manualidade proposta para esta semana é, como non, elaborar unha flor que lle podedes regalar a alguén da casa o xoves 23. Empezamos a crear!!!

UNHA FLOR DE S. XURXO

Déixovos ata mañá coa presentación que fixo o profe Ricardo coas fotos que mandáchedes dos vosos marabillosos traballos de plástica. Premede na imaxe

                                                   

LUNS 20 de abril

Bo día Mouchiñ@s:

Benvidos a unha nova semana de "teleactividade". Que tal foi a fin de semana? Algún fixo unha obra para as balconadas? Temos que decorar Betanzos como auténticos artistas que somos!!Temos tempo para seguir traballando nese proxecto así que .... a crear!!! Xa sabedes que quero ver fotos dos vosos traballos!

O xoves desta semana, o 23 de abril, celébrase o día do libro. En moitos lugares é tradición regalar unha rosa e un libro. Polo tanto, moitas das actividades desta semana irán encaminadas a aprender, investigar, e traballar nesta celebración. Empezamos.

• MATEMÁTICAS SIMPÁTICAS

    Hoxe imos darlle un pouquiño ao coco. Como é aquelo que decimos na clase?.... Ai si!! "DISCURRE CACHOLA, QUE ESTÁS NA ESCOLA!!!" Pois iso, imos discurrir un pouquiño con estes enigmas matemáticos. Non tes que copialos, só escribir os resultados na túa libreta.

                                                 ENIGMAS MATEMÁTICOS

• GALEGO

      - Diario da corentena. Imos contar un pouco que tal vos foi a fin de semana ou como fixestes algunha das actividades de plástica que tanto vos están gustando!!

       - Escoitaremos unha canción de Mamá Cabra onde nos falan da importancia de ler libros. Despois faremos unha ficha.

                                         
                                        PROPOSTA LINGUA GALEGA

• INGLÉS

A profe de inglés mándanos esta folla.    FICHA Nº 10

• SOCIAIS

Seguimos traballando un pouco de repaso .

AS LOCALIDADES. REPASO

SOCIAIS . A NOSA LOCALIDADE

VIERNES 17 de abril.

Ola  a tod@s:
Xa é venres outra vez!! A que os días pasan moi rápido? Cando un ten moitas cousas que facer, e son divertidas o tempo corre. Que digo corre, voa!!!!
Veña, pois imos concentrarnos nas divertidas actividades de hoxe.

• LENGUA CASTELLANA

Imos seguir traballando co libro "LA CASA". A lectura en voz alta de hoxe de seguro que vai ser moito máis fluida. Xa podedes incluso practicar lendo e levantando un pouco a vista do texto de cando en vez . Leremos despaciño, con seguridade e precisión. Que ben saen as cousas cando se practican o suficiente!  Unha vez rematada a lectura, facemos a ficha 3.

                                               Lengua castellana. LA CASA. Ficha 3  

• GALEGO

- Diario da corentena . Xa levamos moitos días confinados e a verdade é que os días empezan a parecerse moitísimos uns aos outros, asíq ue, se vos parece, o diario da corentena, a partis de agora farémolo só os días que nos toque galego, que serán tres veces por semana.

Cando rematedes, facemos  esta  FICHA DE GALEGO, A SAIA DA CAROLINA

• MÚSICA

Non sei que van decir os veciños pero hoxe temos que tocar A SAIA DA CAROLINA coa flauta tantas veces como faga falta, ata que saia ben!!! 

Practicade durante todo o día e ás oito da tarde, cando todos saiamos ao balcón ou á ventá a aplaudir, podedes sair coas vosas flautas e tocar para a xente. De seguro que vos aplauden un montón!! Atrevédesvos??? Veña, a ver se vos escoito a algún de vós dende a miña ventá!

• VALORES

Nestes tempos tan extraños que nos tocou vivir, hai valores que cobran moita máis importancia. Nesta presentación hai todo un traballo sobre O COMPAÑERISMO E A SOLIDARIEDADE. Ide premendo en cada un dos posts do corcho por orden  para acceder a cada información.  Espero que vos guste (ten sorpresa)  Xa me contaredes!!

• TAREFA FIN DE SEMANA

E como traballo para a fin de semana vouvos facer unha proposta moi bonita. O Concello de Betanzos acaba de convocar un certame especial das BALCONADAS. Se clicades na palabra vos leva á páxina do Concello no que podedes investigar sobre o que son e en que consisten.

Neste certame trátase de que entre todos convirtamos Betanzos nun museo ao aire libre. Collemos calquera material que teñamos pola casa (unha camiseta, un cacho de sábana.....) e o convirtamos nun lienzo no que pintemos toda a familia. Logo haino que colgar das ventás ou balcóns. Seguro que sodes quen de crear auténticas obras de arte. Que vos parece? Intentámolo? Eu, pola miña parte voume poñer coa miña familia mans á obra xa mesmo!!!!

Ata o luns, Mouchiños

JUEVES 16 de abril

• Bo día a todos.

 Como van esas casiñas? Seguro que estades facendo auténticas marabillas!! 

Tamén me gustaría ver máis imaxes das vosas figuriñas de origami ou papiroflexia. Fixéchedes moitas?? Se vos parece, coas imaxes que me enviedes fago unha presentación para colgala no blogue. Animádevos a participar!!!

• CASTELLANO

Seguimos co noso libro "LA CASA". Podemos voltar á entrada do martes e repasar a súa lectura. Xa sabedes, en voz alta, pronunciando ben e con entonación. 

Hoxe tócanos facer a segunda ficha, esta vez de expresión escrita. Temos que abrir a "caixa" onde temos gardadas a  creatividade e a imaxinación e deixalas saír para facer esta ficha. Cando a rematedes, podedes pasar a limpo os vosos contos  e mandarme unha foto ao correo para que poda velos. Incluso, se alguén se anima, pode pedir axuda a un maior da casa e intentar escribilo no ordenador. Facede a proba a ver que tal vos sale.

LA CASA: FICHA 2

• MATEMÁTICAS SIMPÁTICAS

Hoxe tócanos repasar outra vez algo de operacións. Empezaremos xogando para despois facer unha ficha.

                                                      

                                   

Agora que xa temos o cerebro entrenado, toca a ficha    REPASAMOS OPERACIÓNS

• NATURAIS

Esta semana seguimos a repasar os sentidos. Para iso veremos primeiro os videos da entrada do Martes 5 de novembro. Se premedes neste título xa vos leva directamente á páxina.

NATURAIS: OS SENTIDOS

Xa vos acordades ben? Pois agora faremos a ficha de repaso   FICHA OS SENTIDOS

• EF. 

          Eu tamén necesito mover un pouquiño o esqueleto así que hoxe a clase de EF vouna facer con vós. Imos alá: chándal, coleta, moitas ganas ....... e a moverse!!!!                                           

                                                    VAMOS A MOVERNOS DÍA 10

• INGLÉS: SOLUCIÓNS Á FICHA DE ONTE

E para os que sodes moi curiosos e vos encantan os animais, déixovos uns interesantísimos  vídeos. O que aquí vos contan non se estudia nos libros de texto!! ATA MAÑÁ!!!

MIÉRCOLES 15 de Abril

Bo día.
 Espero que a volta ao traballo de onte non fora moi dura. Xa sabedes que as actividades que vos poñemos son  "propostas" e que se un día non vos da tempo a rematalas todas, non pasa nada.

 Antes de comenzar co traballo de hoxe, quero preguntarvos que tal vos vai co proxecto de plástica de onte de construir a vosa casa (en pequeniño, claro 😂) . Imaxino que a algún de vós se vos ocurriría facer unha palloza, xa que tanto traballamos investigando sobre elas... Xa sabedes que me gustaría recibir fotos. Algunha xa me chegou. Con todas as que  mandedes esta semana farei un video e colgareino no blogue a semana que ven. Animádevos a participar!!

• GALEGO

Non sei como vos vai co Diario da corentena, se continuades con el, se o tedes esquecido..... Pois ben, é hora de retomalo. Imos facer hoxe unha entrada e contar un pouco como nos foron estas vacacións de Semana Santa tan especiais e tan diferentes.... Seguro que tedes moitas cousas interesantes e divertidas que podedes contar. Se o ilustrades quedará moi chulo. 

Unha vez rematado o diario, facemos esta ficha , que está relacionada coa canción que tedes que preparar para música esta semana.

                                                    FICHA DE GALEGO. A saia da Carolina

• MATEMÁTICAS

Póñovos aquí un cuaderniño de matemáticas con problemas para resolver. Podedes copialos directamente na libreta. Lembrade o método que usamos:

1º Buscamos os datos e a pregunta.

2º Pensamos que operación haberá que facer para resolvela.

3º Facemos as contas necesarias para resolver as operacións.

4º Cada solución...... merece unha oración!!! Escribimos oracións completas contestando á pregunta que nos fixeron.

Hoxe imos facer os problemas do 1 ao 6 (páxina 1 por diante e por detrás). Copiámolos na libreta e os resolvemos. Podedes ilustralos con debuxos, se vos apetece!

                                                

• SOCIAIS

Retomamos a lectura do libriño "La casa" de onte e facemos esta ficha de sociais.

                                               SOCIAIS. A casa e os traballos

• INGLÉS . Ide ao blogue para a entrada de hoxe clicando en 

                                            THIRD LEVEL. WEDNESDAY 15TH APRIL

E nada máis por hoxe. Vémonos mañá!!!!

                                                    

MARTES 14 de abril

Bo día a tod@s!!!!!

Que tal vos foron estes días de descanso? Esperamos que tod@s e as vosas familias esteades moi ben. Unha vez rematadas as vacacións é hora de volver á rutina e a  actividades diaria. 

Xa sabedes que agardamos os vosos comentarios para que nos contedes cousas ou que nos enviedes ao correo da clase fotos cos vosos traballiños.

LENGUA CASTELLANA, NATURAIS E PLÁSTICA

Imos comenzar cun libro que limos durante as vacacións. 

                                                           

Esta semana imos traballar con el. O primeiro que hai que facer é lelo en voz alta, con calma, pronunciando ben e con expresividade. Se temos alguén na casa a quen llo podamos ler, podemos facelo despois de practicar un pouco a solas. Unha vez lido e comprendido, facemos as fichas.

                                                   Lengua Castellana  LA CASA. FICHA 1

                                                Naturais: OS SENTIDOS NA CASA

                                                  Plástica: A CASA

EF. VAMOS A MOVERNOS: DÍA 9

MÚSICA

 Para esta semana ides preparar A SAIA DA CAROLINA. Clicade no nome e xa vos leva á páxina de Música. Ide preparando cada día un pouco para ver se o venres sodes quen de tocala!!

E por hoxe nada máis. Feliz volta ao traballo. Tomádeo con calma pero facelo ben. 

Ata mañá mouchiñ@s!!!!

                                   

PARA AS VACACIÓNS

PROPOSTA 1 : CONTOS PARA VER, LER E ESCOITAR.

• Poñemos aquí unha selección de contos en castelán e en galego para ler, ver e escoitar. Son para desfrutalos e entreterse con eles.
• A proposta é que cada día leades ou escoitedes un e fagades, se vos apetece, unha das fichas que vos deixo, ben en castelán, ben en galego.

INFORME DE LECTURA EN CASTELÁN 

INFORME DE LECTURA EN GALEGO

• LECTURAS EN CASTELÁN

             

                



              

• AUDIOCONTOS EN GALEGO

A editorial Kalandraka sempre apostou  pola animación á lectura, e nestes días, nos que non poden facer sesións de contacontos, decidiron facer estas sesións virtualmente. Se clicades na imaxe atoparedes montóns de contos contados. Ademais de escoitalos, podedes ver as súas marabillosas ilustracións. Elexide os que queirades!

                                

PROPOSTA 2. XOGOS DE PAPEL E LÁPIZ

Nesta páxina atoparedes un montón de xogos divertidos. Só necesitades unha folla cuadriculada, lápiz (un por xogador) e moitas ganas de xogar. Elixe un cada día e busca na casa con quen xogar. Divertidísimos!!!!
                                

PROPOSTA 3 .MANUALIDADES FÁCILES

• Se premedes nestas imaxes, vos levan a unhas páxinas onde hai montóns de manualidades divertidas e fáciles para facer na casa. Buceade e buscade un pouco polas páxinas porque hai un montón de cousas divertidas!!

                         

• Papiroflexia . Tamén podedes seguir investigando por youtube para seguir facendo unha colección de animaliños de distintas cores.

PROPOSTA 4 .  DEBUXO FÁCIL

Para aqueles aos que vos gusta moito debuxar, propóñovos unha actividade para estes días.

• Colle 3 folios e dóblaos pola metade. Colócaos uns dentro dos outros para que che queden como se fose un libro de 6 páxinas.
• Na primeira páxina fai unha portada na que poñas  CADERNO DE ANIMAIS e decóraa como queiras.
• Cada día vas  debuxando un animal nunha páxina. Podes utilizar para colorealo e decoralo a técnica que queiras: ceras, lápices ou rotus, acuarelas, trozos de papel recortados e pegados como mosaico, plastilina pegada, cachiños de tela ou lá..... Bótalle imaxinación.
• Podedes utilizar como guía a mesma páxina de Pequeocio que xa utilizamos noutras ocasións.

PROPOSTA 5 .CANTAR E BAILAR

Lembra gardar un ratiño todos os días para cantar e bailar coa familia. Buscade en youtube cancións que veñan con letra e facede un concurso de karaoke familiar. É divertidísimo!!!

A descansar e divertirse, que ben merecido o tedes. Podedes seguir enviándome mensaxes cos vosos traballiños.

Vémonos á volta das vacacións. Unha grandísima aperta virtual a tod@s!!!

ACTIVIDADES DÍA 15. Venres 3 de abril

Bo día a todos!! Quédanos o último día de trimestre e xa estamos nas vacacións!! Este ano van ser un pouco diferentes, pero non por iso van deixar de ser vacacións . Hai que aproveitar para durmir un pouco máis e facer outras cousas moi interesantes e moi divertidas. Mañá vos deixarei unha entrada con suxerencias para estas vacacións .

GALEGO

• Diario da corentena. Cantas cousas interesantes contades nel? Estades vivindo un momento histórico que se vai lembrar por moitísimos anos e cando sexades maiores seguro que vos gustará ler o que vos facíades neste momento. Se aínda non o empezaches, é bo momento para facelo. E lembra facer unha pequena ilustración cada día.
• Propóñoche un xogo que podes xogar só ou con alguén. É unha variante do xogo de categorías. Podedes cambiar de letra tantas veces como queirades. A Xogar!

XOGO DE PALABRAS

CASTELLANO

• Nova lectura de "La rana de 3 ojos" (xa casi a sabedes de memoria) e unha divertidísima ficha

LA RANA DE TRES OJOS. FICHA 5

MATEMÁTICAS SIMPÁTICAS

Seguro que dos xogos que vos deixei onte aínda queda algún por facer. Pois hoxe é bo día para seguir xogando co de onte e repasar un pouco máis de medidas de lonxitude. 

                                                  

SOCIAIS E NATURAIS

Imos facer un repaso dos nosos proxectos de investigación e volver a realizar unha pequena exposición oral. Sabedes que antes de facela debemos elaborar un pequeno guión para ter claro o que imos decir e non trabarnos unha vez que empecemos. Podemos pedirlle a algún membro da familia que nos grave no móbil para logo poder ver que tal o fixemos. Ánimo que é moi divertido!

• Proxecto da semente. Exposición oral explicando o material utilizado, cómo o fixemos e o que fomos observando ata finalizar o proxecto.
• Proxecto investigación animal. Pode que teñades feito un ou dous. Veña, practicade esa exposición.
• Proxecto investigación dunha tradición do mundo. Que país elexichedes? Que costume ou tradición investigachedes? Poi agora, cóntallo á túa familia.

PLÁSTICA

Polo que me contáchedes, unha das actividades que máis vos gustou facer foi a da papiroflexia. Propóñovos varios animais . Por suposto, un deles ten que ser a rá, despois de traballar toda a semana con ela. Podedes incluso pintarlle 3 ollos! 😃  Aproveitade a fin de semana para facer os que queirades. Podedes parar os videos ou volver atrás tantas veces como necesitedes .

AVISO: Na barra da dereita, no apartado de Que pasa no Vales?, engandinvos un enlace á aula virtual do Departamento de Orientación do cole, onde se irán publicando un montón de recursos moi interesantes. É moi recomendable visitala!!

E para cantar coa familia a todo pulmón, déixovos esta canción tan preciosa do Dúo Dinámico,  cantada por máis de 30 artistas. É unha versión espectacular! A cantar todos xuntos!!!

                               TODO VAI SAIR BEN!!!!

ACTIVIDADES DÍA 14. Xoves 2 de abril.

Ola, bo día a tod@s. Un recordatorio antes de empezar o día de hoxe. Xa sabedes que se non podedes imprimir as fichas, pódense copiar os enunciados na libreta e resolver os exercicios ahí.

SOCIAIS
Hoxe imos repasar un pouco as localidades e as súas características. Intenta facer esta ficha. Se non te lembras de algo, non pasa nada, pon o que ti pensas que pode ser que de seguro que o fas moi ben.

FICHA - AS LOCALIDADES

LENGUA CASTELLANA

• Volve ler o conto en voz alta. Seguro que xa eres un auténtico expert@
• Despois resolveremos a seguinte ficha

LA RANA DE TRES OJOS. FICHA 4

MATEMÁTICAS SIMPÁTICAS

Hoxe e mañán tócanos repasar unhas cantas cousas: diñeiro, o reloxo, o calendario.... Empezamos cos xogos.

     

    
  

E agora facemos a ficha de repaso.

FICHA REPASO TEMA 5

Por último déixovos un novo video para aprender a xogar ao xadrez. Penso que despois deste xa podedes empezar a xogar algunha partida.

ACTIVIDADES DÍA 13. Mércores 1 de abril

Bo día mouchiñ@s!

Que tal descansáchedes esta noite? Xa sabedes que é importante durmir ben para que o noso cerebro teña tempo de resetearse e empezar o día fresco e reparado. Pois veña, imos polos retos de hoxe!

LENGUA CASTELLANA

Volvemos a ler en voz alta "La rana de tres ojos" de Olga de Dios. A estas alturas xa case somos expertos lectores. Podemos incluso ler un cachiño e levantar a vista para mirar aos nosos "escoitantes" e volver ao texto sen perdernos. Se aínda non podedes facelo non vos preocupedes. Todo é cuestión de practicar un pouco máis e seguro que vos sae!

Unha vez lido o conto facemos a seguinte ficha.

LA RANA DE TRES OJOS. FICHA 3

MATEMÁTICAS SIMPÁTICAS
Hoxe toca repasar outra vez a división. Outra veeez???Si, outra vez. Práctica, práctica, práctica.....

• Empezaremos vendo de novo os videos do xoves 26. Pero se xa non tes dúbidas de como facelo podes saltar este paso. 
• Continuamos xogando un pouco para ter más rapidez no cálculo.

        

• Por último facemos a ficha de repaso correspondente.

MATEMÁTICAS. FICHA REPASO T 4

NATURAIS

• Proxecto plantas. Qué tal van esas lentellas? Están plantadas xa na terra? Se é así, seguro que seguen a crecer. Podedes engadir un debuxo ao voso traballo de como están agora.
• Proxecto animal. Imaxino que xa está rematado. Propóñoche, se che apetece, facer outra investigación pero cunha condición. Se o traballo anterior foi dun vertebrado, agora ten que ser dun invertebrado, e viceversa. Apetéceche? Xa sabedes que, en canto volvamos á escola, veremos todos eses traballos que estades a facer. Tamén podedes mandarmos ao correo. Non olvidedes preparar ben a exposición.
• Imos facer unha ficha de repaso, relacionada coa rá de tres ollos.

                                        A RA E A CONTAMINACIÓN

GALEGO

• Diario da corentena.
• Continuamos coa ficha iniciada onte. 

VALORES

• Busca no diccionario a palabra "AMISTADE". De que outra maneira se pode decir en galego? 
• A continuación podedes ver este precioso corto no que se fala dunha historia de amistade, tenrura e entendimento. Non importa o aspecto físico que se teña nin que non che gusten as mesmas cousas; o importante é que sempre podemos atopar unha forma de conectar con outras persoas. Temos que saber recoñecer os erros que cometemos e aprender deles para avanzar e crecer como persoas.  
• Unha vez rematado o corto, podedes facer un debuxo voso con ese gran amig@ que estes días botades tanto de menos e estades desexando volver a ver. 

Ata mañá. Unha grandísima aperta virtual.