LUNS 1 DE xuño

Bo día aos Mouchiñ@s e a todos os visitantes de Vila Moucha!!

Hoxe iniciamos o mes de xuño. Que vos suxire esta palabra? Se eu vos digo XUÑO!, cal é a primeira palabra na que pensades? Verán, calor, vacacións, praia.... E moitas máis. Chegamos ao último mes deste curso tan extraño que lembraremos para toda a vida, no que tanto traballamos e aprendimos pero ... sen ir á escola!!

Teño que decirvos unha vez máis que estou moi orgullosa do voso traballo e de como, a pesares do difícil que é manter a concentración  e a rutina diaria a distancia, vós seguides traballando día a día e preparándovos para cuarto. Esperemos que o vindeiro curso todo volva á normalidade!!

Esta semana continuamos co traballo da semana anterior en canto a paisaxes e estadística. Teredes que facer e enviar as probas de galego

• GALEGO

Esta semana tócalle o turno ás probas de galego. Lede con calma as instruccións, pensade ben as respostas e veredes como esta proba tampouco ten ningún segredo para vós. Unha vez teñades claras todas as respostas, enviádellas ao/á profe polo correo da clase. 

                                      TEXTO PARA LER

                             PROBA ONLINE PARA MANDAR

                          EXPRESIÓN ESCRITA PARA ENVIAR

• SOCIAIS

O tema das paisaxes da moito de sí. Así que esta semana continuamos afondando un pouco nel. 

                                        AS PAISAXES.

• MATEMÁTICAS SIMPÁTICAS

Pasa o mesmo co tratamento da información. Hai moito que contar e moi interesante. Que tal o encargo que vos fixen a semana pasada? Atopáchedes nalgún periódico, revista, noticia da tele, páxina de internet ... algún gráfico ou diagrama de datos? De que era?

                                      FICHA DE ESTADÍSTICA III

• ENGLISH

Rematamos este luns de inicio de semana e de mes coas propostas de inglés. 

EnglishVales

  E para os que non podedes ver a ficha, tédela aquí.   FICHA DE INGLÉS

Ánimo Mouchiñ@s. Un pequeno esforzo máis que pronto rematamos o curso!! Ata mañá!!😘😘

                                        

VENRES 29 de maio

Bo día Mouchiños:

Rematamos esta fabulosa semana de bo tempo e bo traballo . No menú de hoxe atoparemos un pouquiño de música, unha pizca de relixión ou valores (á vosa elección) e  as linguas. Empezamos.

• MÚSICA

Despois do fabuloso traballo que fixestes a semana pasada co himno galego, esta semana repasamos e practicamos ritmos.

          Vales musical

• LENGUA CASTELLANA

Hoxe esta asignatura está dividida en dúas partes. Por unha banda temos unha ficha para ler e entender. Ten consellos e trucos para aprender a facer unha boa descripción das paisaxes. Na segunda das fichas, pasaredes a limpo a descripción que fagades da paisaxe que fixéstedes en plástica, ben a maqueta ou o debuxo. 

                                APRENDO A DESCRIBIR UN PAISAJE. Ficha 3.1

                                       DESCRIBO UN PAISAJE. Ficha 3.2

• GALEGO

Falamos de paisaxes si, pero non de calesquera senon dos fermosísimos paisaxes de Galicia.

                                         PAISAXES DE GALICIA II

• INGLÉS

It's game time!!!!

                         EnglishVales

• RELIXIÓN CATÓLICA

O traballo desta semana podedes velo aquí       HISTORIA DE LA SALVACIÓN 

Neste enlace podedes revisar o traballo da semana pasada.    DIOS LIBERÓ A ISRAEL

• VALORES SOCIAIS E CÍVICOS

Hai un orangután no meu cuarto!!! Hoxe vos propoñemos un bonito curto que ten unha gran mensaxe. Xa que estamos a falar das paisaxes, falemos tamén da maneira de preservalas e coidalas. Todos e cada un de nós podemos facer algo e contribuir  ao coidado do medio ambiente. Que pensas que podes facer ti? Mira o video, presta moita atención ao que fan os humanos e logo me contas na ficha.

                                  FICHA: HAY UN ORANGUTÁN EN MI CUARTO

XOVES 28 de maio

Ola!!!!!🙋
Vaia días máis fermosos e calurosos estamos a ter!! Así da gusto poder disfrutar do aire libre!!
Poi veña, traballamos un pouquiño nas tarefas de hoxe e logo a descansar!!!

• MATEMÁTICAS SIMPÁTICAS

Convén que repasedes o vídeo de tratamento da información de onte, porque hoxe imos avanzar un pasiño máis. Ademáis, quero que vos fixedes durante estes días na vida real, ao igual que fixéchedes a semana pasada coas figuras xeométricas e esteades atentos para descubrir gráficas ou táboas de datos ao voso redor. Logo me contades, seguro que atopades máis dunha destes tipos.

  

                                                  

                                                        ESTADÍSTICA . Ficha II

• LENGUA CASTELLANA

Hoxe nesta asignatura tedes que pasar a limpo os datos que recollestes na ficha 1 do martes. Imaxino que aínda estades a voltas coa maqueta, porque leva o seu tempo, pero aínda así, os datos podedes ir pasándoos a limpo.
Lembrade que me interesa moitísimo ver fotos desas maquetas ou debuxos. Sei que vos gustan este tipo de traballos e que vos implicades e os facedes francamente ben así que ... mandádeme fotos!!!!!

                                                    ¡QUÉ PAISAJES! FICHA 2

• CIENCIAS NATURAIS

Hoxe toca a segunda parte da proba de naturais. Si, xa sei que algún fixo todo o martes, pero o día era hoxe. Aqueles que xa o mandáchedes podedes aproveitar para traballar un pouquiño máis no proxecto de plástica. Os que aínda o tedes por facer, ide á entrada de naturais do martes.

• EDUCACIÓN FÍSICA

Imos rematar este xoves de calor coas propostas do profe Jose que sempre busca cousas super divertidas para vos. Os meus entrenamentos do pasado martes coa miña heroína favorita foron estupendamente. Ata teño maniotas!! Que non sabedes o que son? Buscade no diccionario. Ademais fixen e decorei un tragabolas cunha botella de auga  e a que non sabedes que? Son a campioa da miña casa!! Non hai quen me gañe! 😂

                                               ¡ VAMOS A MOVERNOS ! Día 22 

Estou desexando poñerme xa coas propostas de EF hoxe así que vos deixo ata mañá!!! Unha aperta virtual!!

MÉRCORES 27 de maio

Ola,  bo día Mouchiñ@s!!!
Xa tedes decidido cal vai ser o voso proxecto de plástica? De seguro que algún xa o ten encamiñado e lle está quedando chulísimo. Xa sabedes que me encantará ver fotos dos vosos proxectos!!

As probas de naturais de onte saíron moi ben. Estades a traballar xenial!!!  Pero onte só era necesario facer a primeira parte. A segunda era para o vindeiro  xoves. Non era que levase moito tempo cada unha delas pero ..... as instruccións son as instruccións ! Non pasa nada. Continuamos co traballo de hoxe. Temos cousas novas e outras xa coñecidas. Despegamos! 🚀

• MATEMÁTICAS SIMPÁTICAS  

Imos empezar con algo novo e moi interesante que son as táboas  e gráficas de rexistro de datos. Sirven para organizar a información e poder ver con claridade o que sucede. Ides velas moitísimo porque son usadas constantemente. Calquera día que vexades un telediario seguro que, como mínimo, aparece unha.  Para que saibades interpretar e representar  esta información, o primeiro que tedes que facer e ver este vídeo que o deixa todo mooooooi clarísimo. Non perdades  detalle!!

Non perdades de vista este vídeo porque imos volver a el en días sucesivos. A ficha de hoxe é un primeiro paso no apaixoante mundo da estadística. Vedes cantas cousas diferentes se poden facer coas matemáticas? Sirven para todo!!!!!

                                     ESTADÍSTICA. FICHA 1  

• CIENCIAS SOCIAIS 

Hoxe imos avanzar un pouquiño nas paisaxes e falar daquelas que estamos máis acostumados a ver: as paisaxes de Galicia. 

                                               RELEVO DE GALICIA. Para aprender

                                               RELEVO DE GALICIA. Para traballar

• GALEGO

Tócalle o turno á nosa fermosa lingua que ten palabras tan cheas de cor e musicalidade que a xente di que os galegos cantamos ao falar. Escoita moi ben esta historia, xa verás como atopas un montón de bonitas palabras. Cantas delas non coñecías? Propóñote un reto: elixe unha delas e úsaa hoxe polo menos 5 veces en cinco situacións diferentes. Serás quen de facelo? Xa me contarás! 

                                                A PESCA CO RABO. Para escoitar.

                                           A PESCA CO RABO. Para ler e traballar

• ENGLISH

E xa que a cousa vai de palabras, imos ver cantas palabras novas podemos aprender hoxe en inglés

EnglishVales

Para os que non podades ver a ficha interactiva e/ou prefirades imprimila, clicade HERE

Un día máis que rematamos o traballo. Eu xa teño elexida a miña palabra galega favorita . A ver se son quen de "colala" hoxe cinco veces nunha conversa. Vouno intentar!!

Ata mañá!!!!

MARTES 26 de maio

Bos e soleados días:

Continuamos coa nosa semana paisaxística. Hoxe, as propostas de plástica e de lingua castelá van íntimamente relacionadas porque o que fagades na primeira ides ter que tomar nota e explicalo na segunda. Serán dúas tarefas nunha. Empezamos por plástica

• CIENCIAS NATURAIS

Hoxe imos empezar por esta asignatura porque esta semana tedes que enviar aos profes as dúas probas de naturais. Xa sabedes que son sinxelas e que hai que pensalas ben antes de respondelas. Unha cousiña: pídovos que as enviedes só unha vez, cando teñades claro que eso é o que queredes que eu vexa, porque nas probas anteriores algún lle deu varias veces ao botón e me chegaron ata cinco probas do mesmo alumno. 😂

                                     QUE SABEMOS DE NATURAIS. Parte I

• EDUCACIÓN PLÁSTICA.

A proposta desta semana probablemente vos leve uns días facela. Non importa, ao contrario, ídea facendo pouco a pouco. É un proxecto grande que vos pode levar un tempo. Seguide as pautas que vos dan pero tamén utilizade a vosa creatividade, tal e como vides demostrando en todos os proxectos que fixestes ata o de agora. Sodes uns artistas!!!

                                            MAQUETA DUNHA PAISAXE 

• LENGUA CASTELLANA

       A medida que vaiades traballando na vosa maqueta, no voso debuxo ou no proxecto que elixades, ide tomando nota nesta ficha das decisións que tomades, dos materiais que usades e de cómo o facedes. A de hoxe é unha ficha para recoller anotacións. O xoves presentaremos outra na que pasaredes a limpo as notas que tomades hoxe. O venres, ou unha vez rematado o proxecto, teredes que describilo na ficha que vos presentaremos . Así que xa vedes, ídeo facendo con calma porque tedes ata a semana que ven para rematalo. 

                                                ¡QUÉ PAISAJES! Ficha 1

• EF 

Imos rematar esta mañá bailando e facendo exercicio .

                                                  VAMOS A MOVERNOS. Día 21

                                                  

E nada máis Mouchuños. Aproveitade o bo tempo para desfrutar dos paseos ao aire libre. Vémonos mañá!!

LUNS 25 de maio

Bo día Mouchiños e benvidos a unha nova semana escolar telemática. Que tal foi a fin de semana? Descansáchedes e xogáchedes moito?

O tema xeral que vamos tratar dende distintas asignatura son as paisaxes. Repasaremos cales son os seus elementos, que tipos hai e aprenderemos a describirlos e pintalos cos lápices e coas palabras. Interesante, non si?

  Imos empezar con gañas e forza unha semana máis, na que imos recoller as probas de CIENCIAS NATURAIS. Así que estade moi atentos porque esta semana teredes que enviar esta asignatura. Xa vedes que as probas que vos estamos poñendo son sencilliñas e polos resultados que me están a chegar, estanvos a saír francamente ben!

• SOCIAIS

Como dixemos na introducción imos traballar as paisaxes. Que ves cando miras pola tua ventá? Edificios e asfalto, árbores e campos, costa e mar .....? Imos aprender a analizalo. 

                                                 AS PAISAXES. PARA APRENDER

                                                 AS PAISAXES. PARA TRABALLAR

• MATEMÁTICAS SIMPÁTICAS

Avanzamos un pouquiño más para estar ben preparados para o curso que ven. Tócalle o turno a .....

                                           CUADRILÁTEROS

• GALEGO

Que pasa se mesturamos nun mesmo traballo as paisaxes e a poesía? Pois que saen cousas tan fermosas como istas!!

                                       AS PAISAXES DE GALICIA

• ENGLISH

E rematamos esta mañá de luns coas divertidas propostas de inglés.

EnglishVales

Se non podedes ver a ficha interactiva, podedes descargala aquí
       
                                                   FICHA DE INGLÉS

Hoxe foi un día lixeiro de traballo! Déixovos cunha divertida sopa de letras sobre o relevo e un curioso video sobre un dos accidentes máis  misteriosos e asombrosos do relevo: os volcáns!

                                              

VENRES 22 de maio

Ola a tod@s!!
Espertamos a un novo día, que xa é o último lectivo desta semana. Xa está aquí a fin de semana!!!
Hoxe temos outra morea de interesantes e bonitas propostas de traballo.

• LENGUA CASTELLANA

Onte iniciamos o noso obradoiro de literatura aprendendo  o que son e como se compoñen os Limericks. Hoxe imos dar un pasiño máis e vamos crear o noso propio limercik!!! Xa veredes que divertido!! Hai que deixar ben aberta a porta da imaxinación e a creatividade. E xa sabedes.... non importa que sexan absurdos ou ridículos, o caso é que sexan graciosos!! A crear!!

                                           ME GUSTA ESCRIBIR II

• GALEGO

Hoxe imos ler outro interesante texto informativo sobre os Xogos Olímpicos . Este ano 2020 íanse celebrar en Tokio pero a crise sanitaria mundial provocada polo COVID 19, fixo que se tivesen que aplazar ao verán do 2021. Imos aprender un pouco máis sobre eles.

                                           OS XOGOS OLÍMPICOS

• MÚSICA

Avanzamos un pouquiño máis no coñecemento de Galicia estudando un pouco máis a fondo o seu himno.

Vales musical

Agora chega o turno das dúas optativas. Para os que elexíchedes relixión católica o voso traballo atoparédelo aquí

                                         FICHA DE RELIXIÓN CATÓLICA

E para os de Valores Cívicos e Sociais temos hoxe unha lenda que nos ensina que, independientemente do noso tamaño, todos somos necesarios e podemos colaborar cos demais.

                                                EL LEÓN Y EL RATÓN     

• ENGLISH

A profe de inglés propónvos unha serie de divertidos xogos para visitar durante a fin de semana

EnglishVales

Nada máis por hoxe e por esta semana . Para os que queirades pasar un rato divertido esta fin de semana repasando táboas de multiplicar déixovos un clásico dos xogos online. Este foi un dos primeiros  xogos que aprendín eu a xogar nunha maquiniña, alá pola miña xuventude (no século pasado 😂) Ten moito coidado de que non te collan as pantasmas!!

PS: Se rebuscades un pouco máis nesa páxina atoparedes centos de xogos moi divertidos! Vola deixo na pestaña de recursos.

Boa fin de semana Mouchiñ@s!!

                                                                                                 

XOVES 21 de maio

Ola a tod@s!!

Os videos que me mandáchedes algún de vós recitando o poema do martes están xenial. Non sei canto tempo vos levou aprendelo de memoria pero desde logo vos saiu estupendamente ben. Tamén me gustaron moito as fotos que vin do traballo de plástica. Menudas simetrías máis chulas!

Todo o traballo que estades a facer neste tempo de confinamento é realmente estupendo. Valoro moitísimo o voso esforzo e quero que saibades que todo o que estades facendo vaise notar moitísimo cando empecedes 4º. Xa veredes cantas cousas vos resultan máis faciliñas grazas a todo o que estades traballando agora!

E dito esto, comenzamos as tarefas de hoxe.

• LENGUA CASTELLANA

Seguimos con poemas pero agora dende o punto de vista da composición. Para hoxe e mañá temos preparado algo súper divertido. Recuperamos o noso Obradoiro de Literatura!!!!, que facía tempo que  tiñamos apartado. Hoxe teremos unha clase un pouco máis teórica, durante a que teredes que ver un par de videos e ler a teoría. Todo está moi ben explicadiño e con moitos exemplos, así que xa veredes que ben vos vai.

Mañá será o día da creatividade. 

                                         ME GUSTA ESCRIBIR I

• MATEMÁTICAS SIMPÁTICAS

Algunha Mouchiña xa me contou a cantidade de obxectos simétricos que atopou no seu paseo diario pola rúa. Que boa maneira de aplicar as matemáticas á vida diaria! Podedes facelo tamén no paseo de hoxe pero buscando obxectos que teñan forma de triángulo (incluso, se vos atrevedes, podedes intentar adiviñar que tipo de triángulo é) ou de cuadrilátero. Mentras non chegue a hora de saír, seguimos practicando e preparando o noso coco para poder ver o mundo con ollos matemáticos! 😂

Imos ver primeiro un video para recordar ben cales eran os tipos de ángulos e logo facemos esta segunda parte de ficha.

                                         TRIÁNGULOS II  

• EF

Non sei se vos lembrades do que vos dixen, non hai moito tempo de "Mens sana in Corpore sano". Algún de vós recorda o que significaba? ........    Moi ben!! Pois imos preparar un pouquiño o noso corpo para que a nosa mente teña unha "casa" estupenda e moi sana onde habitar e poder desenvolverse mellor.

                                       ¡¡VAMOS A MOVERNOS!! Día 20

• NATURAIS

E as Ciencias Naturais tamén nos serven para aprender a coidarnos ben, os hábitos de vida saudables, a comida sana.... Vedes que todo nesta vida está relacionado? O que se aprende e se fai nunha asignatura ten moito que ver co que se fai nas outras. O mundo non está separado por materias!! Todo forma parte da mesma realidade.

                                                          A SAÚDE    

Rematamos o saudable día de hoxe cuns conselliños que nos da o noso amigo Camaleón. Atá mañá!!

MÉRCORES 20 de maio

Bo día:
Hoxe imos traballar  outro pouquiño porque aínda que parece que xa chegou o verán,  faltan unhas cantas semanas para as vacacións.
Comenzamos outro miércoles e con el xa chegamos ao medio da semana.

• INGLÉS

Hoxe imos empezar pola proposta de idiomas. E xa que en naturais estamos a falar  estes días da saúde e de dietas saudables, imos facer o mesmo con inglés.

EnglishVales

• MATEMÁTICAS SIMPÁTICAS

Seguimos coa xeometría e coas figuras planas. E hoxe lle toca o turno aos TRIÁNGULOS. Primeiro vemos uns videos explicativos, logo lemos despaciño a ficha e por último facemos as actividades propostas.

                                                FICHA. LOS TRIÁNGULOS

• GALEGO

A proposta de galego para hoxe é outro interesante texto que hai que ler despaciño, pronunciando ben as palabras e con expresividade e procurando entender o que imos lendo. Convén lelo un par de veces en voz alta antes de facer as actividades.

                                            OS VIDEOXOGOS

• SOCIAIS

Finalizamos a proposta de hoxe coa segunda parte da proba de sociais. Para aqueles que ainda non a fixéchedes, tedes que enviala hoxe. Para os demais , ou para os que queirades, déixovos un bonito video de curiosidades que vos farán sorrir! 

 E con ese sorriso, despídome ata mañá Mocuchiñ@s!! Mándovos o meu sorriso e a miña aperta virtual!!!!

MARTES 19 de maio

Ola a tod@s!!!!
Iniciamos outro fabuloso día de sol e calorciño, ideal para saír a pasear coas bicis ou facer unha bonita andaina.

Agora traballamos un pouco nas propostas deste martes, que esperamos que vos gusten un montón.

• LENGUA CASTELLANA

Tal e como víchedes onte en galego, falaremos un pouco da poesía. Leremos un poema, traballaremos sobre el e intentaremos aprendelo de memoria. 

                                          ME GUSTA LEER. Ficha 1

• CIENCIAS NATURAIS

Hoxe imos falar sobre a hixiene. Nestes momentos tan especiais temos que prestar moitísima máis atención a este aspecto porque é fundamental para evitar a propagación do virus.

A ficha sobre a que imos traballar hoxe, fai referencia ao poema de galego que líchedes onte: Diálogo no cuarto de baño. Lédelo de novo antes de empezar a ficha de naturais, porque quizáis vos faga falta,.

                                            A  SAÚDE 

• EF  

Unha das mellores formas de cuidar da nosa saúde e previr posibles enfermedades é practicando exercicio diario e mantendo o noso corpo en forma.  Estas son as propostas do profe Jose para hoxe.

                                      VAMOS A MOVERNOS!!!! Día 19 

• EDUCACIÓN PLÁSTICA 

Que tal onte en matemáticas coas simetrías. A que son moi interesantes? A tarefa de hoxe de plástica vai relacionada con este concepto para que o traballemos un pouquiño máis de maneira superdivertida.

                                              TAREFA 9: SIMETRÍA 

Nada máis por hoxe. A que foi fácil e entretido? Propóñovos un xogo para o paseo de hoxe. Consiste en que tedes que buscar pola rúa obxectos simétricos (aqueles aos que, se lles pasaramos unha liña polo medio, son iguais a un lado e a outro da liña) . Xogade co adulto que vos acompañe no paseo. Gañará que atope máis obxectos simétricos na rúa.

Despois, cando cheguedes á casa, ou mañá pola mañá, me decides nos comentarios que tal vos foi o xogo. Seguro que atopades un montón e gañades !!!!

    

LUNS 18 de maio

Bo día!!!!

Comenzamos unha nova semana chea de fermosas palabras galegas que deixáchedes nos comentarios:  bicos, agarimo, apertas, xeitosiña, louro, mouchiños ..... Por certo, a miña palabra galega favorita é XEITO, polo sonora que é e pola gran cantidade de significados que pode ter. Dádesvos conta da morea de situacións nas que se pode usar?  Buscade nesta imaxen que vos preparei. Canto tempo tardades en atopar a vosa palabra?

Esta semana toca o turno das  Ciencias Sociais. Teredes que prestar especial atención a esta asignatura porque as dúas probas que vos poñemos hai que envialas ao correo d@s profes. Son  sinxelas e fáciles de mandar. Xa vos estades facendo expertos internautas!!

• MATEMÁTICAS SIMPÁTICAS. 

Seguimos coa xeometría. Esta semana imos falar de simetría. Empezaremos vendo un par de videos explicativos que vos van deixar todo moi clariño e a continuación faremos a ficha de hoxe.

                                                        A SIMETRÍA. Ficha 1   

•  GALEGO

Imos traballar un pouco a poesía esta semana. Empezaremos por galego, cun imaxinativo diálogo no cuarto de baño.

                                         DIÁLOGO NO CUARTO DE BAÑO 

• SOCIAIS

Xa sabedes que esta semana é o turno das Ciencias Sociais. Esta é a primaira parte da ficha que tedes que enviar aos profes. O mércores faremos a segunda

                                    QUE SABEMOS DE SOCIAIS. 

• ENGLISH

Rematamos o día coa proposta de inglés para hoxe. 

EnglishVales

Unha vez lida a proposta do blogue facedes ESTA FICHA

Espero que fose un día de traballo faciliño e levadeiro. Mañá un pouquiño máis. E xa sabedes, a facer as cousas con xeito! Atá mañá Mouchiños!!

VENRES 15 de maio

Bo día Mouchiñ@s:
Chegamos de novo ao final da semana lectiva cun montón de propostas interesantes.

• LENGUA CASTELLANA

Hoxe imos traballar un pouquiño de ortografía co noso Pitiño. Seguro que lembrades que na clase falamos algunha vez de que as letras "e" e maila "i", son un pouco rariñas. Ás veces síntense especiais e se comportan de maneira diferente ao resto das vogais. Pois hoxe ímolo comprobar de novo co son "g" suave  (ga , go , gu ..... pero gue , gui .... e máis aínda  ...  güe, güi ).

                                           EL POLLITO GIGANTE. LC. Ficha 3

• GALEGO

Hoxe imos ler un pequeno texto de Cravalho Calero que fala sobres as pitas, as galiñas. Por iso fixéstedes unhas fermosas pitiñas o pasado martes. Algunha das que xa me enviáchedes son preciosas e moi orixinais!!

                                             AS PITAS BAIXO A CHOIVA

E agora toca xogar!!!!    AS PITAS BAIXO A CHOIVA : O XOGO

• MÚSICA

A proposta musical desta semana, ademáis do himno galego, consiste en  investigar un pouquiño sobre o folclore das Mariñas e, máis concretamente, sobre o seu traxe típico.

        Vales musical

• RELIXIÓN CATÓLICA

A proposta desta semana  está aquí         FICHA DE RELIXIÓN CATÓLICA

                                                                     Solución á ficha anterior.

• VALORES CÍVICOS E SOCIAIS 

Os que non sodes da optativa de relixión imos traballar a partires dunha tira cómica na que veremos unha situación bastante habitual entre unha nai e o seu fillo. Na vosa man está que esa situación non se repita na vosa vida diaria.

                                      COMPARTIMOS TAREFAS?


Déixovos tamén o enlace do blogue de inglés porque a profe deixou uns xogos superdivertidos que podedes facer durante a fin de semana se vos apetece.

EnglishVales

E xa nada máis por esta bonita semana. A mellor celebración que podedes facer das letras galegas esta fin de semana, ademáis de lembrar a Carvalho Calero, é ler ou escoitar unha bonita historia en galego. Xa sabedes que na pestaña de Recursos, en Kalandrke TV, tedes moitas! Non sei que pensaredes vós pero a min o galego é un idioma que me parece moi expresivo ademais de bonito e musical. Cal é a vosa palabra galega favorita? Escribídea nos comentarios!

Ata o luns Mouchiñ@s! Que pasedes unha boa fin de semana!

JUEVES 14 de maio

Bo día a todos:
Empezamos o día lembrando que esta semana estamos a recoller as probas de matemáticas e a celebrar as Letras Galegas!!

• MATEMÁTICAS

Moitos de vos xa mandáchedes as dúas partes da proba de matemáticas. Pero para os que aínda non o fixéchedes, hoxe é o día. Ide á entrada do luns  e clicade na proba de Competencia Matemática.
Ademais, imos facer unha ficha de repaso de operacións.

                                           REPASAMOS OPERACIÓNS

• LENGUA CASTELLANA

Imos ver como vai o nosos Pitiño Xigante e mais o seus amigos, mentres repasamos cousiñas desta asignatura.

                                           EL POLLITO GIGANTE. LC. Ficha 2

• NATURAIS

Que tal estades comendo estes días? Lembrades os proxectos que fixemos na clase sobre a roda dos alimentos e os nutrientes que conteñen? Imos repasar un pouquiño os hábitos alimenticios saudables.

                                        UNHA ALIMENTACIÓN SAUDABLE

• EF

E para rematar as clases de hoxe, unha fantástica sesión de EF

                                         VAMOS A MOVERNOS. DÍA 18

MÉRCORES 13 de maio

Ola a tod@s un día máis.

VISITAS!!!!!

Fixádevos no número de entradas que ten o noso blogue. Está claro que hai moita xente que está a traballar con nós porque temos moitísimas visitas!!!! A nosa vila crece! 😃 Estamos encantados con todas esas visitas, algunha delas dende outros países. Seríamos moi felices  se estes visitantes  puxérades algún saúdo nos comentarios ou dende donde nos vedes e nos contárades algo de vós ou que vos parece a nosa Vila Moucha. A que si, Mouchiños?

Metras tanto, empezamos as nosas clases de hoxe.

• MATEMÁTICAS

Algún de vós sodes tremendamente rápidos e xa me enviáchedes as dúas partes da proba matemática desta semana. Para os que aínda non o fixéchedes, tranquilos que tedes ata o venres.

Para os que vos aburrides (😉) ou vos sobra algo de tempo matemático, déixovos un enlace a unha páxina repleta de xogos  de sumas, restas, multiplicacións, divisións, .... moi interesante e entretida. Chámase math cilenia.com Pásase moi ben "matematicando"!!

                                                      

• GALEGO

Polo traballo que fixemos o luns, xa lembramos moitas cousas sobre as letras galegas en xeral, e a partires de hoxe ímonos centrar en Ricardo Carvalho Calero para homenaxealo como merece.


Empezamos por este vídeo elaborado por alumnado do Colexio San Pío X de Ourense

A continuación poderemos xogar un rato mentres seguimos a aprender.


              DON RIDARDO  O XOGO    por David Rial

Para asentar contidos leremos esta biografía

            BIOGRAFÍA RICARDO CARVALHO CALERO 

E por último, agora que xa sabemos un montón de cousas sobre el, elaboraremos esta ficha.

                       FICHA DO ESCRITOR

• SOCIAIS

Seguimos co noso percorrido polo mundo, empezando polo máis cercano.

                                    ORGANIZACIÓN DO MUNICIPIO. PARA REPASAR

                                              O MUNICIPIO. PARA TRABALLAR

• INGLÉS

Rematamos o traballo de hoxe preparándonos para viaxar ao extranxeiro . Para poder comunicarnos ben temos que facernos entender. E que mellor maneira que practicando  inglés. Aquí vos deixo a proposta de hoxe.

     EnglishVales

MARTES 12 de maio

Bo día Mouchiños!
Que vos parece se hoxe empezamos por EF para mover ben o esqueleto e logo sentarnos a traballar co corpo e a mente ben despertos?

• EF .                                    VAMOS A MOVERNOS Día 17

• LENGUA CASTELLANA

Imos traballar a comprensión oral ou auditiva. Escoitaredes un conto narado por Beatriz Montero, á que xa coñecemos doutras veces, e logo faredes actividades relacionadas con el. Podedes escoitalo as veces que vos faga falta!

                                              EL POLLITO GIGANTE. LC. Ficha 1

• NATURAIS

Seguimos a profundizar nos sentidos e a función de relación. Hoxe tócalle o turno ao gusto.

                                                  OS SENTIDOS: O GUSTO

• PLÁSTICA

E como esta semana a cousa vai de pitiños e galiñas, a tarefa número 8 de plástica consistirá en elaborar  unha galiña ou un pito seguindo algunha das ideas que vos propoñemos. Escolle a que máis che guste pero aporta a túa creatividade ao proxecto. Seguro que tes en mente algo moi especial e orixinal!!

                                                  TAREFA 8. GALIÑAS


Se ides á aula virtual, nesta semana hai colgado un video de compañeir@s de todo terceiro enviando mansaxes por medio da lingua de signos. 

Ata mañá. Cocoricooooooo!!!!

LUNES 11 de maio

Bos e luminosos días Mouchiños!! Despois do descanso da fin de semana iniciamos uns días cheos de actividade e conmemoracións. Sempre hai algo que celebrar!!! Se vos ocurre o que podemos celebrar esta semana? ....... Claro que sí... AS LETRAS GALEGAS!!!! Este ano adícanse a Ricardo Carvalho Calero así que estes días ides escoitar e falar moito del.

Ademáis, esta semana faremos outra pequena proba  para entregar aos profes, pero esta vez de matemáticas. 

• MATEMÁTICAS

Ao igual que a semana pasada con Castellano,  tedes que cumplimentar este cuaderniño de matemáticas para enviar por e-mail. É moi sinxelo de facer, só tedes que seguir ben as instruccións. O de Lingua Castelá fixéstelo moi ben así que este non vai ser menos. Adiante!!

                                  PROBA DE COMPETENCIA MATEMÁTICA I

• GALEGO

Hoxe empezaremos a lembrar un pouco sobre o día das Letras Galegas: por que se celebra nesta data, a quen se lle adica, cal é motivo da celebración.... Imos lembrar e investigar un pouco!

                                           QUE SEI DAS LETRAS GALEGAS    

• INGLÉS

Aquí tedes as propostas desta semana publicadas no blogue da profe de inglés.

                   EnglishVales

• SOCIAIS

Como esta semana a cousa vai ir de galiñas e pitos, en sociais continuamos aprendendo un pouco máis sobre o sector primario.

                                        SECTOR PRIMARIO II


                                       SECTOR PRIMARIO. PARA REPASAR

E xa que estamos na semana das letras galegas, e ademais hai moitos días que non cantamos, déixovos unha bonita versión do himno galego para cantar coa familia. Estaría moi ben que intentárades aprender unhas cantas estrofas. A cantar!!

VENRES 8 de maio

Xa chegamos á fin de semana outra vez. Esto vai moi rápido!!😂

• LENGUA CASTELLANA

Hoxe imos facer dúas tarefas cortiñas para entregar hoxe á profe. Neste caso non se fan online, senon que podedes imprimir a última das fichas e facelo nela, ou directamente na libreta. Despois facedes unha foto e o enviades por correo. Non vos olvidedes de poñer o voso nome tanto se o facedes na ficha como na libreta. 

Lembrade :

• Antes de empezar a escribir hai que dedicarlle uns minutos a pensar e planificar o que queredes decir e como o pensades facer.  
• Durante a escritura debedes fixarvos e usar os puntos e as comas cando sexa necesario, non repetir moito as mesmas palabras, utilizar un vocabulario axeitado e consultar o diccionario cando teñades dúbidas (sobre todo de ortografía)
• Unha vez rematado hai que repasar a ortografía, a puntuación e comprobar se se entende ben o que queriades dicir. 

E xa está!! Seguro que escribides textos realmente interesantes. Empezamos....

                                                LC. EXPRESIÓN ESCRITA

• GALEGO 

Continuamos cos textos do día que naceu o trigo, pero avanzamos un pouquiño máis. 

                                 CONTO E POEMA PARA TRABALLAR - II

                                 REPASO DE COMO FACER UN CÓMIC

                                 TAREFA: CÓMIC SOBRE TRIGRIDIA

• MÚSICA

Como a semana pasada o venres foi festivo, hai moito que non musiqueamos 😂. Estas son as propostas para esta semana.

        Vales musical

• RELIXIÓN

 Para os que tedes esta optativa, aquí tendes a proposta desta semana.

                                            FICHA RELIXIÓN CATÓLICA

                                           Solución ás actividades anteriores

• VALORES SOCIAIS E CÍVICOS

E para aqueles de vós que elexiron a optativa de valores, ou para tod@s os que queirades,  preséntovos a PIPER que nos vai  ensinar a superar os propios medos, a probar cousas novas e a convertirse en mestre e líder dos seus compañeiros.
Primeiro vemos o corto de PIPER, de Disney Pixar, gañador dun Óscar á mellor cortometraxe de animación no 2017. Logo facemos as actividades propostas na ficha.

De seguro que vos encanta PIPER!
                                          

                                     FICHA DE ACTIVIDADES SOBRE PIPER      

Ata o luns Mouchiñ@s. Déixovos en boa compaña. E xa sabedes, hai que perder os medos e intentar  facer cousas por vós mesmos  para avanzar e aprender a ser un pouquiño máis autónomos e independentes como Piper. Desfrutade da fin de semana!!! Apertas virtuais!

XOVES 7 de maio

Bo día Mouchiños:
Continuamos con esta semana de primavera,  e figuras planas.

• LENGUA CASTELLANA

Xa sabedes que hoxe é o último día para enviar a proba de Comprensión oral e escrita do martes. Algúns xa a mandaron polo que hoxe teñen descanso desta asignatura. Pero os que non o fixestes, tedes que facelo hoxe. Mañá haberá outra pequena proba de expresión escrita que tamén haberá que enviar unha vez realizada. 

Por certo, se practicades varias veces non é necesario que a enviedes de cada vez. Con enviala unha, chega 😅.

• MATEMÁTICAS

O mundo está cheo de figuras xeométricas que se poden medir. Se queremos facer un valado para pechar unha finca, por exemplo, necesitaremos saber cánto mide para calcular o material que temos que mercar. Imos seguir investigando un pouco este concepto e outros das figuras planas con estes videos e logo facemos a ficha que nos toca hoxe.

                                             XEOMETRÍA. FIGURAS PLANAS V

• NATURAIS

    Hoxe temos deses repasos que vos gustan moito. Son os animais invertebrados, que na primavera empezan a versa por todas partes!!

Na entrada do mércores 18 de marzo están todos os vídeos sobre os animais para repasar. Cando fixemos o proxecto dos animais ao principio da corentena, ao mellor algún de vós elexiu un invertebrado. Pois ben, nestes días, pedídelle a un adulto da casa que me envíe ao correo unha foto dese proxecto de investigación animal que fixestes. Encantaríame velo!!! Tedes as fichas na mesma entrada do 18 de marzo.
Para que lembredes ben a clasificación animal dos invertebrados, déixovos tamén a ficha que fixemos na clase.

                             CLASIFICACIÓN DOS ANIMAIS INVERTEBRADOS

                                         OS ANIMAIS INVERTEBRADOS FICHA

• EF

E para rematar outro fabuloso día de clase online (vos estades facendo auténticos expertos en novas tecnoloxías!!) imos mover un pouquiño o esqueleto. Hoxe tamén hai unhas preguntiñas para enviarlle ao profe Jose. 

                                  VAMOS A MOVERNOS DÍA 16

MÉRCORES 6 de maio

Bo día Mouchiños.

Revisade o video de linguaxe de signos porque onte fixen outro cos videos que me foron chegando despois de facer o primeiro. Así que mirádeo porque tendes mensaxes novas dos vos@s compañeir@as

•  GALEGO . 

Como por fin parece que chegou a primavera, esta semana en galego imos falar de cousas que ocorren nesta estación

                                            CONTO E POEMA PARA TRABALLAR

                            

                                              

• MATEMÁTICAS SIMPÁTICAS

Como comprobáchedes onte pola ficha de plástica, seguimos coa xeometría e as figuras planas.  . Se vos fai falta, podedes repasar os vídeos da semana pasada. 

                                                 FIGURAS PLANAS IV

• SOCIAIS

Continuamos co noso traballo e o relacionamos co tema da primavera e os textos que vimos en galego. Antes de empezar, podedes repasar os videos do luns 27 sobre os sectores do traballo.

                                              O SECTOR PRIMARIO. REPASO

                                              O SECTOR PRIMARIO. ACTIVIDADES

• INGLÉS

Para a clase e as actividades de hoxe premede no enlace do blogue da profe de inglés. 

                                         EnglishVales

MARTES 5 de maio

Bo día:
Que tal vos sentou a ponte de maio? Imaxino que moi ben porque ademáis estamos a ter un tempo fantástico para aproveitar ben esa horiña que nos deixan saír pasear á rúa. Chegamos coas baterías recargadas, a que si?
Volvemos ao traballo e poñemos todas as nosas ganas, que ista vai ser outra semana cortiña.

• LENGUA CASTELLANA

Esta semana imos facer un traballo un pouquiño diferente. Propóñovos dúas fichas que tedes que elaborar e mandar aos titores por medio do seu correo electrónico.

A primeira delas é un caderniño de comprensión oral e escrita, para completar e responder online. Unha vez rematado podedes comprobar se tedes as respostas correctas. Podedes repetilo tantas veces como queirades pero cada vez que volvades atrás teredes que volver a responder todas as preguntas. O XOVES tedes que mandarmo ao correo da clase, ou dos vosos titores/as, se sodes doutras clases.

 Non necesitades axuda dos maiores para facelo. Adiante que é moi fácil e vos vai saír moi ben!!!

                                    LC  - COMPRENSIÓN ORAL E ESCRITA I    

• EF

Nova sesión de educación física con vídeos e actividades de todo tipo. Non sei a vós pero a min encántanme estas clases!!

                                  VAMOS A MOVERNOS DÍA 15

• NATURAIS

Unha nova ficha  para seguir repasando e avanzando.

                                   OS SENTIDOS: O OLFACTO   

• PLÁSTICA

Chegamos á parte que máis vos gusta! Esta semana, como nas mates imos seguir traballando a xeometría , imos continuar por ese camiño. Xogastes moito esta semana co Tangram da semana pasada? Podedes seguir facéndoo e ademáis, aquí tendes a nova proposta .

                                 FIGURAS XEOMÉTRICAS E ARTE