ACTIVIDADES DÍA 2 Martes 17 marzo

CIENCIAS NATURAIS: 

Lembrades o encarguiño que vos fixen onte? Había que buscar un material para facer un proxecto de ciencias. Pois ben, o proxecto está relacionado coa reproducción das plantas. Imos ver como, a partir dunha semente, sempre que teñamos as condicións adecuadas, vai nacer unha nova planta igual a anterior.

 Cando premades nesta imaxe aparecerá una ficha e un vídeo sobre o que tedes que facer. 

Como bos científicos que sodes ides observar e anotar os cambios que vexades. Xa me contaredes que tal se vos da!

                                                

• GALEGO:

Para esta asignatura, ademáis dalgunha ficha que vos irei poñendo, imos iniciar un pequeno diario a partir de hoxe. Cada día contaredes o que fixéchedes e como vos sentíchedes o día anterior. Lembrade que hai que esforzarse para escribilo en galego. Nesta ficha vos deixo exemplos e instruccións de como facelo. Por suposto, a fin de semana libramos!! Veña, empezamos contando o que fixemos a luns.

                                                       

• MATEMÁTICAS SIMPÁTICAS
• Hoxe vos propoño un xogo HIT THE BUTTON (dalle ao botón). Podes repasar táboas, dobles, sumas. divisións.... Pásao ben e xoga todo o que queiras.                                    
• CASTELLANO 

Escoita este conto de Beatriz Montero. Logo deberás facer un pequeno resumo con tres parágrafos (inicio, nó e desenlace) que leve menos dunha carilla. Ao rematar, podes ilustralo. Non fai falta que o pases a limpo nun folio, basta con que o escribas na libreta.

E para rematar este intenso día de traballo, imos cantar unha canción que aprendíchedes o curso pasado para o Día da non violencia. Acordádesvos dela? Pois, a cantar!!


E non esquezades visitar os blogues de inglés, música e Educación Física. Tedes os enlaces á dereita da páxina ou podedes premer nas imaxe de abaixo.

EnglishVales

VALES ACTIVO

Vales musical

Ata mañá Mouchiños. Unha aperta dixital.